Чингэлтэй дүүргийн Эрүүгийн хэргийн анхан шатны шүүхэд Э.Бат-Үүл нарт холбогдох эрүүгийн хэргийн шүүх хуралдаан 10.30 цагаас эхэлсэн билээ. Шүүх хуралд оролцохоор шүүгч нар бүгд хүрэлцэн ирсэн боловч шүүгдэгч Ш.Ганхуягийн шинэ өмгөөлөгч Г.Жанчивийн шүүх хуралдаан давхцсан аж.
Мөн шүүгдэгч Ё.Гэрэлчулууны өмгөөлөгч Ч.Эрдэнэбат шүүх хуралд хүндэтгэн үзэх шалтгаангүйгээр ирээгү байна. Тиймээс шүүх хурлыг ирэх сарын 13-ны өдрийн 10.00 цаг хүртэл хойшлууллаа.
Эргэн сануулахад, Нийслэлийн Засаг дарга бөгөөд Улаанбаатар хотын захирагч Э.Бат-Үүл эрх мэдлээ урвуулан ашиглаж, ТОСК-ын гүйцэтгэх захирал А.Гантулгыг удаа дараа дарамтлан Хөгжлийн банкнаас орон сууц барих зориулалтаар олгосон зээлийн хөрөнгөөс есөн тэрбум төгрөгийг “Бэрэн групп” рүү шилжүүлэх шийдвэр гаргуулсан гэх үндэслэлээр шалгажээ. Улмаар тус групп нь Э.Бат-Үүлийн хүү Б.Чулуудайн эзэмшдэг “Гранд лайн” ХХК-ийг 5.5 тэрбум төгрөгөөр худалдан авч, улсын төсөвт их хэмжээний хохирол учруулсан хэргээр шүүх юм.
Сэтгэгдэл (12)