Сонгинохайрхан дүүргийн прокурорын газрын хяналтанд энэ оны дөрөвдүгээр сарын байдлаар нийт 5000 орчим эрүүгийн хэрэг шалгагдаж байна. “Прокурор-90” нэгдсэн аяны хүрээнд дээрх хэргүүдийг шуурхай шалгаж, шийдвэрлэх зорилгоор тус дүүрэг дэх Цагдаагийн газрын 1, 2, 3 дугаар хэлтсүүдтэй хамтарсан төлөвлөгөө гарган ажиллаж байна.

Мөн Нийслэлийн Цагдаагийн Удирдах газарт санал хүргүүлж, аян үргэлжлэх хугацаанд тус дүүрэг дэх Цагдаагийн хэлтсүүдэд нэмэлтээр мөрдөгчид ажиллуулахаар болжээ.

“Прокурор-90” нэгдсэн аяныг прокурорын байгууллагын түүхт 90 жилийн ойг угтан прокурорын хяналтын чанар, үр дүнг дээшлүүлэхээр энэ оны дөрөвдүгээр сарын 1-нээс зургадугаар сарын 1-ний өдөр хүртэл хугацаанд  зохион байгуулах юм.

Сонгинохайрхан дүүргийн Прокурорын газар