УИХ-ын гишүүн асан Д.Гантулга хүчингийн гэмт хэрэгт холбогдож улмаар өөрийн хүсэлтээр бүрэн эрхээсээ түдгэлзэн шалгуулсан билээ. Энэ дагуу хэргийг цагдаагаас шалгаж түүнд эрүүгийн хэрэг үүсгэж, хэргийг шүүхэд шилжүүлсэн. Анхан болон давж заалдах шатний шүүхээс түүнийг гэм буруутайд тооцож хоёр жилийн ял онолсныг тэрбээр эсэргүүцэж Улсын Дээд шүүхэд хандаад байсан юм.
Тэгвэл УДШ-ийн хяналтын шатны эрүүгийн хэргийн шүүх хуралдаанаар Д.Гантулгад холбогдох хэргийг шүүгдэгчийн өмгөөлөгчийн гаргасан гомдлын дагуу 2020 оны дөрөвдүгээр сарын 27-ны өдөр хянан хэлэлцээд анхан болон давж заалдах шатны шүүхийн шийдвэрийг хэвээр үлдээж шийдвэрлэлээ.
Ингэснээр тэрбээр хүчингийн хэргээр ял сонссон УИХ-ын анхны гишүүн боллоо.
Сэтгэгдэл (8)