“Чартер онгоцоор ирэх иргэдийн нэрсийг жагсаалтыг яаж гаргасан бэ гэдэгт байнга хардлага үүсгэж байна. Тиймээс бид нэрсийг хэрхэн сонгосон талаар баримттай харуулъя” гэдгийг Гадаад харилцааны яамны Консулын газрын дарга Л.Мөнхтүшиг УОК-ын хэвлэлийн хурлаар мэдэгдлээ.
Тэрбээр энэ сарын 30-нд буюу маргааш Сөүл чиглэлийн онгоцоор долоон улсаас ирсэн 273 транзит зорчигч ирнэ. Харин тавдугаар сарын 1-ний онгоцоор Солонгос улс дахь 271 зорчигч ирнэ. Тавдугаар сарын 2-ны онгоцоор Франкфурт-Улаанбаатар чиглэлийн онгоцоор 13 улсаас 263 зорчигч ирнэ. Зорчигчийн тоо зөрүүтэй байгаа нь 0-2 насны зорчигч эцэг, эхийнхээ өвөр дээр сууж ирдэг учир сул суудлыг дараагийн зорчигчид олгосон. Гадаад дахь оюутнууд дотуур байргүй болсон гэдэг хүсэлтийг эцэг, эхчүүд тавьсан. Энэ дагуу УОК-оос тавьсан таван шалгуураас гадна ийм шалтгаантай оюутнуудыг хамруулсан.
Маргааш ирэх онгоцоор транзит зорчигчдын хувьд эрүүл мэндийн шалтгаантай 13, жирэмсэн 10, өндөр настан болон асран хамгаалагчтай 24, хөгжлийн бэрхшээлтэй-2, бага насны хүүхэдтэй 20, бусад хүндэтгэн үзэх шалтгаантай 15 хувийг эзэлж байна.
Тавдугаар сарын 1-нд ирэх онгоцоор УОК-оос тавьсан таван шалгуураас гадна визний хугацаа хэтэрч саатуулагдсан 33 иргэн, өршөөлийн аянд буцах хүсэлт гаргасан 200 гаруй иргэнээс түүвэрчилж авсан. Учир нь Солонгосын талаас эдгээр иргэдээ авах хүсэлт ирүүлсэн. Тиймээс Сөүлээс ирэх онгоцонд эрүүл мэндийн шалтгаантай 23, жирэмсэн 13, өндөр настан болон асран хамгаалагчтай-5, хөгжлийн бэрхшээлтэй-7, бага насны хүүхэдтэй гэр бүл 20, хүндэтгэн үзэх бусад шалтгаантай иргэд 20 хувийг эзэлж байна. Үүнээс гадна саатуулагдсан иргэд 12 хувийг эзэлж байна.
Тавдугаар сарын 3-нд Европийн орнуудаас нийт 263 иргэн ирнэ. Үүнээс оюутан сурагч 23, эрүүл мэндийн шалтгаантай 12, жирэмсэн 15, өндөр настан болон асран хамгаалагчтай 20 хувь, хөгжлийн бэрхшээлтэй-1, бага насны хүүхэдтэй гэр бүл 29 хувийг эзэлж байна.
Иргэдийг яаж сонгосон бэ гэдэгт хариулъя. 85 настай, хар тамгатай иргэнийг авахгүй байна гэсэн. Энэ иргэнийг авчрахаар болсон. АНУ болон бусад улсаас ирэх иргэдийн өргөдөл 9900 орчим болсон. Үүнээс зөвхөн АНУ, Австрали зэрэгт 3000 гаруй байна. Үүнээс УОК-оос тавьсан таван шалгуураар ангилж, Элчин сайдын яамнаас нэрс авахад 1174 хүний нэрс тэнцсэн. Эдгээрээс яаж эцэслэх бэ гэдэг ажил УОК-т оногдсон. Тиймээс Шуурхай штабын дэргэд байгуулагдсан ажлын хэсэг буюу тагнуул, онцгой, мэргэжлийн хяналт зэрэг бүхий л байгууллагын оролцоотой ажлын хэсэг нэрсээс шүүлт хийсэн. 60 нас гэдгээр босгоо барихаар хоёр онгоц хөөргөх шаардлагтай болсон. Бас хоёр сартайг уу, эсвэл зургаан сартай жирэмсэн эмэгтэйг авах уу гэдэг хүнд сорилттой тулгарсан. Хорь хавдрын эцсийн шатанд яваа хүнийг үү эсвэл, эхэн шатандаа яваа хүнийг сонгох уу гэдгээс эхлээд хүнд сонголт хийсэн.
Хүн бүр эрүүл мэндийн шалтгаантай гэдэг өргөдөл ирүүлсэн. Хуурамчийг нь холбогдох албаныхан шалгалт хийж илрүүлсэн.
Нэрсийг албажуулж МИАТ компанид хүргүүлсэн. Нислэг үйлдэхтэй холбоотой хүндрэл гарч байна. Инчион олон улсын нисэх онгоцны буудалд шинэ журам үйлчилж эхэлсэн. Транзит нислэг нь 24 цагаас хэтрээгүй байх шаардлага тавьсан. Учир нь дэлхийн олон орноос олон хүн транзит зааланд удаан хугацаагаар байрлаж байна. Эдгээрийг халдвар тараах эрсдэлтэй гэж үзэж байгаа. Тиймээс ийм журам үйлчлэхээр болсон. Үүнтэй холбогдуулан чартер нислэгт нэр нь багтсан ч хасагдсан хүмүүс бий" гэлээ.
Сэтгэгдэл (1)