Экологийн цагдаагийн газраас түгээмэл тархацтай ашигт малтмал олборлодог ААН-ийн үйл ажиллагаанд хяналт шалгалт хийсэн талаараа мэдээллээ. Шалгалтаар Сонгинохайрхан, Хан-Уул дүүрэгт үйл ажиллагаа явуулдаг 32 аж ахуйн нэгж Ашигт малтмалын тухай хуулийн 35.3 дугаар зүйлд заасан нийтлэг үүргээ биелүүлээгүй, 2020 оны үйл ажиллагааны төлөвлөгөө, тайлан батлуулаагүй, 2019 оны нөөц ашигласны төлбөр төлсөн баримтгүй, газар ус ашиглах гэрээ дүгнэлт байхгүй, тусгай зөвшөөрөлгүй үйл ажиллагаа явуулж байсан нь илэрчээ.
Тиймээс 18 ААН-ийн үйл ажиллагааг зогсоон Зөрчлийн тухай хуулиар хэрэг бүртгэл нээсэн байна. Тусгай зөвшөөрөлгүй үйл ажиллагаа явуулсан иргэн, ААН-ийг Зөрчлийн тухай хуулиар 2000 нэгжтэй тэнцэх хэмжээний мөнгөн дүнгээр торгох, хуульд заасан нийтлэг үүргээ биелүүлээгүй бол 1000 нэгжтэй тэнцэх хэмжээний мөнгөн дүнгээр торгож, учирсан хохирлыг нөхөн төлүүлэх хариуцлага тооцох заалттай юм байна.
Сэтгэгдэл (1)