Хөөрхөн алаг нүд, эгдүүтэй дуу хоолой,  жинхэнэ авъяас энэ бол жүжигчин И.Одончимэгийг дүгнэх ард түмний дүгнэлт. Урлагт анх хөл тавьсан цагаасаа эхлэн шантралгүй хөдөлмөрлөж гавъяат өөрийн ток шоу нэвтрүүлгийг хийгээд удаагүй байгаа билээ. Ингээд жүжигчин И.Одончимэгээс цөөн хэдэн асуултанд тодруулга авсан юм.

    Хөөрхөн алаг нүд, эгдүүтэй дуу хоолой,  жинхэнэ авъяас энэ бол жүжигчин И.Одончимэгийг дүгнэх ард түмний дүгнэлт. Урлагт анх хөл тавьсан цагаасаа эхлэн шантралгүй хөдөлмөрлөж гавъяат өөрийн ток шоу нэвтрүүлгийг хийгээд удаагүй байгаа билээ. Ингээд жүжигчин И.Одончимэгээс цөөн хэдэн асуултанд тодруулга авсан юм.

    -“Одноогийн ток шоу” гэх өөрийн нэрээр нэрлэгдсэн нэвтрүүлгийг  хэзээнээс үзэгч олондоо хүргэхээр зэхэв.  Нэвтрүүлгийнхээ  талаар  манай уншигчдад сонирхуулахгүй юу?
-Санаачлага нь бол манай нэвтрүүлгийн найруулагч Б.Чингүүний санаачлага л даа. Гэнэт нэг өдөр л надад саналаа хэлсэн.  Тухайн үед шууд “за” гэж хэлээгүй. Хүнд чинь нэг үгүй гэж болдоггүй хүмүүс байдаг даа. Ёстой тэр л болсон. Нэвтрүүлгийн маань редактораар  Сумъяа гээд  сэтгүүлч бүсгүй ажиллаж байгаа. Сумъяа бид хоёр “Чингис группт”  хоёр жил  нэг гэрт амьдарч байсан  юм. Миний их дотны хүн. Б.Чингүүнийг уран бүтээлчийн хувьд их хүндэлдэг.  Энэ хоёр хүн саналаа хэлэхэд нь яах аргагүй зөвшөөрчихсөн юм.

-Дөнгөж сая та нэвтрүүлгийнхээ дараагийн дугаарын зочин болох төгөлдөр хуурч Б.Чинбаттай уулзаад гарч ирж байх шиг байна.  Танай нэвтрүүлгийн хэд дахь зочин болж байна вэ?
-Анхны дугаарт нь МУГЗ зохиолч Ч.Галсан гуай орсоныг та бүхэн санаж байгаа байх. Харин Б.Чинбатын хувьд манай нэвтрүүлгийн зургаа дахь зочиноор уригдаж ирсэн юм.

-Хувийн чанартай зүйл асууж болох уу. Т.Бархүү ах та хоёрын хурим товлогдсон тухай сайтуудаар их цацагдсан. Энэ мэдээлэл үнэн үү, үнэн бол хуримын бэлтгэл хэр хийж байна?
-Харин  гадуур иймэрхүү мэдээлэл цацагдаад байгаа сурагтай байна лээ. Саяхан манай нэг ахмад уран бүтээлч тааралдаад хуримынхаа урилгыг өгсөнгүй гэж гомдоллохоор нь л мэдсэн. Үнэмшсэн хүмүүс байх шиг л байна л даа.

-Нэвтрүүлгээ хэр удаан хугацаанд үргэлжлүүлэх вэ?
-Бид энэхүү нэвтрүүлгээ шинэ жил болтол үргэлжлүүлэн хийе гэж бодож байгаа.

- Таньд баярлалаа.