Цар тахлын улмаас хоёр жил завсарласан гэсэн тайлбартайгаар сүүлийн хоёр сарын хугацаанд Монгол Улсын Ерөнхийлөгчийн зарлигаар маш олон алдартнууд төрдөө үнсүүлсэн. Энэ олон алдартнууд дунд төрийн өмчийн компаниудыг удирдаж, төсөл хэрэгжүүлсэн томилогдсон захирлууд байсан нь анхаарал татаж байв. “Эрдэнэс Тавантолгой” ХХК-ийн Гүйцэтгэх захирал гавьяат ажилтан цолоор энгэрээ мялааснаас хойш төрийн өмчийн компани, төсөл хөтөлбөрийн олон удирдагч “Гавьяат, Баатар” болоод буй.
Тухайлбал, Монгол Улсын Ерөнхийлөгчийн зарлигаар “Тавантолгой төмөр зам” ХХК-ийн Гүйцэтгэх захирал Н.Удаанжаргал, “Эрдэнэс силвер ресурс” ХХК-ийн Гүйцэтгэх захирал Т.Мөнхбаяр, Зэвсэгт хүчний Барилга-инженерийн цэргийн удирдах газрын дарга Д.Жаргалсайхан нар энэ зургаадугаар сард Хөдөлмөрийн баатар цолоор шагнагдаад байв.
Гэхдээ өнгөрсөн долоо хоногт болсон нэгэн томилгоо эрх баригч МАН Ерөнхийлөгчийн “Баатар”-уудаас татгалзаж эхэлснийг баталж байна. Ердөө хэдхэн хоногийн өмнө Хөдөлмөрийн баатар цол хүртээд байсан “Эрдэнэс силвер ресурс” ХХК-ийн Гүйцэтгэх захирал Т.Мөнхбаярыг чөлөөлж, түүний оронд С.Баярмөнхийг томилоод байгаа юм.
С.Сүлд
Сэтгэгдэл (42)