28 настай Харумафужи Д.Бямбадорж хоёр улирал дараалан түрүүлснээр сүмогийн дээд цолд хүрч Монгол түмнээ баярлуулсан. Тэрээр Японы сүмогийн ертөнцөд 1958 оноос хойшхи Японы 7, Монголын гурав дахь их аварга болж Ёкозуна цол хүртсэн. Д.Бямбадоржид Ёкозуна цол олгох албан ёсны арга хэмжээ 26-ны өдөр Токио хотноо болжээ. Энэ арга хэмжээнд түүний ээж Мягмарсүрэн, эхнэр, дөрвөн сартай Б.Хишигжаргал ой есөн сартай Б.Нямжаргал охид нь очсон байна. Тэрээр арга хэмжээний үеэр “Ёкозуна цол хүртсэн би бүх зүрх сэтгэлээ сүмод зориулах болно” хэмээн хэлжээ.

28 настай Харумафужи Д.Бямбадорж хоёр улирал дараалан түрүүлснээр сүмогийн дээд цолд хүрч Монгол түмнээ баярлуулсан. Тэрээр Японы сүмогийн ертөнцөд 1958 оноос хойшхи Японы 7, Монголын гурав дахь их аварга болж Ёкозуна цол хүртсэн. Д.Бямбадоржид Ёкозуна цол олгох албан ёсны арга хэмжээ 26-ны өдөр Токио хотноо болжээ. Энэ арга хэмжээнд түүний ээж Мягмарсүрэн, эхнэр, дөрвөн сартай Б.Хишигжаргал ой есөн сартай Б.Нямжаргал охид нь очсон байна. Тэрээр арга хэмжээний үеэр “Ёкозуна цол хүртсэн би бүх зүрх сэтгэлээ сүмод зориулах болно” хэмээн хэлжээ.

Хэд хоногийн өмнө их аварга Д.Дагвадорж түүнээс сэтгэгдлийг нь асууж хийсэн сонирхолтой бичлэгийг www.24tsag.mn хүргэж байна.

Тэрээр Монголын ард түмэндээ хандан “Өвөг эцэг, аав ээж, ард олон та бүхнийхээ буян хишиг хайраар энэ барилдаанд нэг ч уналгүй түрүүллээ. Та бүхнийхээ буян хишгийг зөв дааж сайхан барилдаан үзүүлнэ гэж андгайлъя, танграглая” хэмээн хэлсэн юм.

Мөн О.Дашбалбарын "Амьддаа бие биеэ хайрла" шүлгийг монголчууддаа зориулан уншсан юм.


Энэ сарын 23-ны өдөр Японы эзэн хааны цом гардах ёслол дээр NHK телевиз Д.Бямбадоржоос авсан ярилцлагыг хүргэж байна. Ярилцлагын бичлэгийн энд дарж үзнэ үү.

-Та хоёр улирал дараалан түрүүллээ. Баяр хүргэе.
-Маш их баярлалаа.

-Сайн байсан шүү Озеки аварга аа.
-Тийм ээ. /Инээмсэглэв/

-Танд ямар сэтгэгдэл төрж байна?
-Одоо л миний хүсэл биелэлээ. Би надад энэ биеийг минь бас хүч чадал хайрласан аав, ээждээ баярлаж байна.

-Та Японд 12 жил байхдаа ихэд хичээж байсан. Одоо та оргилд нь хүрлээ.
-Энэ бол миний хамгийн сайхан мөрөөдөл байсан. Би олон сайхан хүмүүстэй уулзсаны ачаар тэднээс дэмжлэг авсан. Хүн бүрт баярлалаа гэж хэлмээр байна.

-Энэ башёд та Ёкозуна боллоо. 15 өдрийн барилдаанд та огт сандраагүй, зөвхөн Озеки төдий байгаагүй. Яаж ийм итгэлтэй барилдав аа?
-Би энэ башёд өдөр бүр хамаг чадлаа дайчлан барилдсан. Тэгээд бүх учраандаа яллаа. Үнэхээр их хичээсэн шүү.

-Та тэр үед яг л Ёкозуна хүн шиг барилдаж байгаа юм шиг санагдсан. Озеки цолоо шилжүүлэхэд өөрийгөө бэлэн гэж бодож байна уу?
-Би бүх хүчээ гаргасан. Миний зорилго өөрийнхөө хамгийн сайн барилдааныг гаргах байсан. Хэрвээ хүмүүс миний барилдааныг өндөр түвшинд хүлээн авсан бол би их талархаж байна.

-Та шинэ Ёкозуна боллоо. Өөрийгөө ямархуу Ёкозуна байна хэмээн таамаглаж байна?
-Би цаашид ч гэсэн хамаг чадлаа дайчлан барилдах болно. Энэ л миний гол хүсэл. Хүн бүрт баярлалаа гэж хэлье.

-Танд баяр хүргэе. Сайн байсан шүү.
-Маш их баярлалаа.