УИХ-ын нэгдсэн чуулганы хуралдаанаар Төрийн албаны зөвлөлийн орон тооны гишүүнийг томилох тухай асуудлаар хэлэлцэж байна. Энэ үеэр УИХ-ын гишүүн Ц.Сандаг-Очир үг хэллээ. Тэрбээр “Орон нутагт аймаг, сум, нийслэл дүүрэгт төрийн захиргааны албан тушаалд ажиллахад маш хүнд болсон байна. Хамгийн зовлон ярьж байгаа нь төрийн захиргааны албан тушаалтнууд байна. Хамгийн бага цалин авдаг хүн бол орон нутгийн засаг даргын тамгын газарт ажилаж байгаа албан тушаалтнууд байна.
Гэсэн ч ажлын ачаалал өндөр байдаг. Энэ тохиолдолд төрийн албаны ковидын эсрэг хуультай холбогдуулан албан тушаалтнуудыг сонгон шалгаруулалт хийхгүй байна. Саяхан сонгон шалгаруулалтад ороогүй төрийн албан хаагчийг чөлөөл гэсэн төрийн албаны шийдвэр гарсан юм байна. Үндсэндээ энэ шийдвэрээс болж хөдөө орон нутагт төрийн албанд ажиллах хүн олдохгүй юм байна. Үүнийг ковидийн үед яаж шийдэх юм. Оронд нь хүн томилж болохгүй гэж л ярих юм. Тэр ажлыг хүн хийхгүй хоосон байж байх юм уу. Яг яах ёстой юм бэ? Өнөөдөр цалин бага учраас төрийн захиргааны албан тушаалтнуудад шаардлага тавихад ажлаа хаяад, гүйгээд гарахад бэлэн болсон байна. Боловсон хүчний асуудал маш хүнд болсон” гэлээ.
Д.Батчулуун
Сэтгэгдэл (88)