ХХААХҮЯ-ны  Төрийн нарийн бичгийн дарга Т.Гантулга тус яамны Хөнгөн үйлдвэрийн бодлогын хэрэгжилтийг зохицуулах газрын дарга Н.Баярмагнай нарт холбогдуулж, эрүүгийн хэрэг үүсгэн шалгаж эхэлсэн. Энэ  талаар Нийслэлийн прокурорын орлогч Ё.Сагсайтай ярилцлаа.
    ХХААХҮЯ-ны  Төрийн нарийн бичгийн дарга Т.Гантулга тус яамны Хөнгөн үйлдвэрийн бодлогын хэрэгжилтийг зохицуулах газрын дарга Н.Баярмагнай нарт холбогдуулж, эрүүгийн хэрэг үүсгэн шалгаж эхэлсэн. Энэ  талаар Нийслэлийн прокурорын орлогч Ё.Сагсайтай ярилцлаа.

-ХХААХҮЯ-ын Төрийн нарийн бичгийн дарга Т.Гантулга, тус яамны Хөнгөн үйлдвэрийн бодлогын хэрэгжилтийн зохицуулах газрын дарга Н.Баярмагнай нарт эрүүгийн үүсгэсэн гэсэн. Энэ талаар тодруулахгүй юу?

-ХХААХҮЯ-наас  Жижиг дунд үйлдвэрийг дэмжих сангийн хүрээнд 2012 онд төсөвт тусгагдсан 500 сая төгрөгийг зориулалтын дагуу ашиглаагүй. Тодорхой хэмжээгээр хувьдаа завшсан гэх асуудлаар эрүүгийн хэрэг үүсгэн шалгаж байгаа.

-Хэргийн талаар тодруулбал?

-Завхан аймагт өнгөрсөн тавдугаар сард жижиг, дунд үйлдвэрийг дэмжих нэрийн дор ямар ч төсөл сонгон шалгаруулалт явуулахгүйгээр  долоо хоногийн дотор төсвөөс 500 сая төгрөгийг гаргаж нэр бүхий 108 иргэн, хуулийн этгээдэд тарааж хувийн дансанд шилжүүлсэн байдаг. Уг нь энэ мөнгө дээр дурдсанчилан иргэдийн амьжиргааг дээшлүүлэхэд, тэдний үйл ажиллагааг дэмжихэд  зориулагдах ёстой байсан. Гэтэл өдгөө хүртэл тэр мөнгөөр иргэд ямар үйлдвэр, үйлчилгээ эрхэлсэн нь тодорхойгүй байна. Тиймээс энэ хөрөнгийн завшсан байж болзошгүй хэмээн шалгаж байгаа.

-Ямар зүйл ангиар эрүүгийн хэрэг үүсгэсэн юм бэ?

-Эрүүгийн хуулийн тусгай ангийн 150.3-т зааснаар эрүүгийн хэрэг үүсгэн, УМБГ-ын  Эдийн засгийн гэмт хэрэгтэй тэмцэх хэлтэс мөрдөн байцаалтын ажиллагаа явуулж байна. Мөрдөн байцаалтын ажиллагаа дөнгөж эхэлж байгаа. Гэхдээ цаашид гүнзгийн шалгана. Зарим нэг зүйл мөрдөн байцаалтын явцад тодорхой болж байна.

-Энэ хэрэгт УИХ-ын гишүүд холбоотой байж болзошгүй гэх мэдээлэл байна?

-Анхан шатанд цугларсан баримтаас харахад 108 иргэний дотор 2012 оны УИХ-д нэр дэвшсэн зарим хүний сонгуулийн сурталчилгаанд дээрх мөнгийг ашигласан байж болохыг үгүйсгэхгүй. Тиймээс энэ хэрэгт УИХ-ын гишүүд төдийгүй  тухайн үед шийдвэр гаргасан яамны сайд удирдлагуудыг хэрэгт сэжиглэн шалгаж байна.

-УИХ-ын гишүүдийг шалгаж байгаа гэлээ. Тухайлбал?

-Тухайн үеийн ХХААХҮ-ийн сайд, УИХ-ын гишүүн асан Т.Бадамжунайг мөрдөн байцаалтын шатанд шалгах шаардлагатай гэж үзсэн.