Жүжигчин, дуучин, бүжигчин, филантропич Женнифер Лопезыг алдарт Forbes сэтгүүлийн 2012 оны Дэлхийн хамгийн хүчирхэг эмэгтэйн тэргүүн жагсаалтад багтаасан. Пуэрто Рикогийн цагаачдын охин Нью-Йорк хотод төрж, арын бүжигчнээс карьераар эхэлж хөгжмийн чартуудыг тэргүүлэх болсон юм.
Зургаадугаар сард Латин Америкт эхлүүлсэн аялан тоглолтоо 9-11 сард Европт үргэлжлүүлж буй Женнифер Лопез 12 сарын дундуур Ази, Орост тоглохоор төлөвлөж байна.
Жилд 52 сая долларын орлоготой 43 настай Женнифер Лопезын нэр алдар, гэр бүл, хайр сэтгэлийн талаар People сэтгүүлд өгсөн ярилцлагыг www.24tsag.mn хүргэж байна.

Жүжигчин, дуучин, бүжигчин, филантропич Женнифер Лопезыг алдарт Forbes сэтгүүлийн 2012 оны Дэлхийн хамгийн хүчирхэг эмэгтэйн тэргүүн жагсаалтад багтаасан. Пуэрто Рикогийн цагаачдын охин Нью-Йорк хотод төрж, арын бүжигчнээс карьераар эхэлж хөгжмийн чартуудыг тэргүүлэх болсон юм.

Зургаадугаар сард Латин Америкт эхлүүлсэн аялан тоглолтоо 9-11 сард Европт үргэлжлүүлж буй Женнифер Лопез 12 сарын дундуур Ази, Орост тоглохоор төлөвлөж байна.

Жилд 52 сая долларын орлоготой 43 настай Женнифер Лопезын нэр алдар, гэр бүл, хайр сэтгэлийн талаар People сэтгүүлд өгсөн ярилцлагыг www.24tsag.mn хүргэж байна.

-Та Германд аялан тоглолтоороо очиж байсан. Хамгийн сайхан дурсамж чинь юу вэ?
-Октоберфесть. Би аялан тоглолтоосоо ч өмнө тэнд очиж байсан юм. Олон жилийн өмнө их жаахан охин Октоберфестэд вафли, интоор идэж байснаа санаж байна.

            -Та яаж аялан тоглолт хийх, кинонд тоглох, дуулах, ээж байх зэрэг олон зүйлүүдийг яаж хамтад нь хийж амжуулдаг юм бэ?
    -Энэ бол гэр бүлийн ажил. Миний үеэл хүүхдүүдтэй маань хамт байдаг. Мөн миний бие хамгаалагч яг л тэдний нагац шиг байдаг. Заримдаа миний ээж ирж хүүхдүүдийг маань харж өгдөг. Өнөр гэр бүл тулдаа л амжуулж байна.

    -Форбес сэтгүүл таныг оны хамгийн хүчирхэг эмэгтэйгээр нэрлэсэн. Бронксын охинд багийн зан чанараас юу үлдсэн бэ?
-Маш их хичээх нь чухал юм гэдгийг би багаасаа ойлгож байсан. Зөвхөн гадна талдаа бш дотор хүнээ ч мөн хичээл зүтгэлтэй болгох хэрэгтэй гэж боддог. Миний зүрх сэтгэлд би 16 настайгаасаа хойш одоо ч гэсэн нэг хүн хэвээрээ байгаа.

-Хэрвээ танд олны танил хүн биш болоод нэг өдрийг өнгөрөөх тохиол таарвал юу хийх вэ?
-Би зүгээр л гадуур алхана. Би одоо ямар нэг газар луу явъя гэж шийдэхээрээ заавал “Бурхан минь жаахан хүлээ, би тийшээ явах нь зөв үү? Тийшээ явбал ямар нэгэн хэрэгт орооцолдчих болов уу? Надад аюултай юу? Би тэнд өөрийнхөөрөө байж чадах уу? гээд л маш олон зүйл эрэгцүүлэх хэрэг гардаг.

    -Та саяхан удаан хамт байсан хүнээсээ салсан. Та хайр сэтгэлд итгэдэг үү?
    -Тийм ээ би итгэдэг. Миний дуу, бүжиг бүгд хайр сэтгэлд итгэдэг тухай өгүүлсээр л байгаа. Би ямар нэгэн муухай зүйл болсоны дараа бүжиглэх дуртай. Түүнээс салсаны дараа надад мэдрэгдсэн зүйл бол бид насан туршдаа хэрхэн амьдрах, хайрлах ёстой талаар суралцсаар л байдаг. Тиймээс цааш явах л хэрэгтэй гэж бодсон.

-Жинхэнэ хайрыг олох хэцүү гэж үү?
-Би мэдэхгүй байна. Заримдаа би энэ талаар боддог юм. Учир нь хүмүүс үргэлж намайг шалгаж, ямар нэгэн дүгнэлттэй шошго наахыг хүсдэг. Гэхдээ өөрийнхөө амьдралыг зөвхөн өөрийн зүгээс харах юм бол жинхэнэ хайр бол миний хүрэх газар. Тиймээс одоо байгаа, олж авсан зүйлүүдээ, одоо хүрсэн газраа хайрлах ёстой.

-Таны 2012 оны Ерөнхийлөгчийн сонгуульд хэнийг дэмжиж байна?
-Би Обамаг дэмжинэ. Учир нь би түүнийг хүн чанартай, өөрийнхөөрөө, ерөнхийлөгч бас лидер байхад нь итгэдэг юм. Би ерөнхийлөгч байх нь хэнд ч амаргүй ажил гэдгийг мэднэ. Гэсэн хэдий ч Обама чадах бүхнээ хийсэн. Би түүнийг үнэ цэнэ, ур чадвартай хүн гэж боддог.