22 настай Кристен Стьюарт “Бүрэнхий” кинонд Беллагийн дүрд тоглож нэр алдрыг олсон билээ. Харин жүжигчин бүсгүй дэлхийн нийтийн анхаарлыг татсан цус сорогчийн кинонд тоглосноор түүний биед аюул учирч, зан ааш нь өөрчлөгдөж байгаа талаар “People” сэтгүүлд өгсөн ярилцлагыг хүргэж байна.

22 настай Кристен Стьюарт “Бүрэнхий” кинонд Беллагийн дүрд тоглож нэр алдрыг олсон билээ. Харин жүжигчин бүсгүй дэлхийн нийтийн анхаарлыг татсан цус сорогчийн кинонд тоглосноор түүний биед аюул учирч, зан ааш нь өөрчлөгдөж байгаа талаар “People” сэтгүүлд өгсөн ярилцлагыг хүргэж байна.

-“Twilight” киноны сүүлийн цувралын нээлт удахгүй болох гэж байна. Танай киноны багийнхан Канадын Ванкоуверт зураг авалтаа амжилттай дуусгасан. Гэсэн ч та хуруугаа хугалсан. Үхрийн сүүл дээр хутга гэдэг шиг зүйл болов уу?

-Тэгж хэлж болох л юм. Гэхдээ кинонд тоглоно гэдэг амаргүй ажил. Би аюултай үзэгдэл хийх үеэр хуруугаа гэмтээсэн юм. Тэр үед маш их уур хүрч байсан. Хоёр долоо хоног зураг авах ёстой байтал хоёр дахь өдөрт нь би эрхий хуруугаа гэмтээсэн, эдгэх гэж маш удсан. Эхний рентген зургаар хурууг минь хугараагүй хэмээн гарсан. Гэвч маш их өвдөж байсн учир би хуруугаа гипсдүүлмээр байсан. Харин манай багийнхан намайг энэ бол зүгээр л жижиг бэрхшээл чи ажиллах ёстой гэсэн. Би Ванкоуверын хүйтэнд бэртсэн хуруутайгаа ажилласан. Өвчин нь намдахгүй болохоор дахиад зургийг нь авхуултал хугарсан нь мэдэгдэж миний буруугүйг нотолсон. Би тийм хулчгар хүн биш шүү дээ.

- “Twilight” киноны сүүлийн цувралыг хийж дууслаа. Та жүжигчин хүний хувьд ямархуу кино болсон хэмээн дүгнэж байна?

-Их хөдөлмөр шингэсэн сайхан кино болсон. Харин мэргэжлийн хувьд би кино болгоныхоо дараа энэ кинонд дахиж тоглоод илүү сайн жүжиглэх юм сан хэмээн боддог. Кинонд тоглох тусам би илүү туршлагатай болж өмнөх киноны өөрийгөө голсоор л байдаг.

-Та киногоо амжилттай дуусгасан хэмээн бодож байна. Гэсэн хэдий ч кино дууссан баярын улаан хисвний ёслол дээр гутарсан царайтай харагдсан хэмээн олон хүнд шүүмжлүүлсэн. Энэ бүх ажлыг дуусгасаны дараа сэтгэл тань амарч байна уу, эсвэл хэцүү байна уу?

-Маш адармаатай мэдрэмж юм уу даа. Хэрвээ зан ааш тань өөрчлөгдөж, түүнийг өөрчлөгдөж буйг та өөрөө ухамсартайгаар мэдэрч байгаа бол энэ танд тийм хүнд санагдахгүй. Гол асуудал нь өөрт төрж буй мэдрэмжээ хуурахад маш хэцүү. Тэр үед олон хүн намайг буруутгасан ч тэр чинь миний амьдралын тавхан минут шүү дээ. Би ямар ч шалтгаанаас болоод сэтгэлээр унаж болно гэдгийг хүмүүс өөр дээрээ шижин ойлгохыг хүсч байна. Аз жаргалтай баймаар сэтгэгдэл төрөөгүй байсан ч гэсэн би хүмүүст таалагдахын тулд инээмсэглэх албагүй гэж боддог. Харин их ажлын дараа гарсандаа баяртай байна.

-Гэхдээ л та ихэнх тохоилдолд маш чухал царайтай харагддаг?

-Хүмүүс миний чухал царайнд дургүйг би ойлгосон. Надаас яагаад дандаа хөмсгөө зангидаж явдаг юм гэж олон хүн асууж байсан. Нэг хүн надаас “Twilight кино танд яаж нөлөөлөв” гэж асуухад би “Та хурдан хариулаасан гэж хүсч байна уу эсвэл үнэнгээ хэлээсэй гэж хүсч байна уу? Учир нь энэ асуултад хариулахад их хугацаа орно л доо” гэж хариулж байснаа санаж байна. Харин одоо би юм бүхнийг ингэж хүндээр тусгаж авахаа больсон гэж бодож байгаа. Зан ааш маань ингэж өөрчлөгдөхөд хэвлэл мэдээллийн хэрэгслүүд их нөлөөлсөн. Миний талаар бичсэн бүхний учрыг тайлах гэж оролдохоо больсон шүү.

-Та “Twilight”-аас гадна “On the road” кинонд дүр бүтээж олны анхаарлыг ихэд татсан. Мянга мянган охид бүсгүйчүүд таны энэ дүрд дурласан шиг байна лээ?

-Би маш хүчтэй зан чанартай. “Twilight”-д тоглоход би бүх зүйлд бууж өгч байгаа мэт сэтгэгдэл төрдөг. Харин энэ кинонд өөрөөсөө том зүйлийг ялдаг. Дүр маань миний зан чанарт илүү ойрхон байсан нь надад таалагдсан.

-Энэ жил та их олон асуудалд орооцолдсон болотой. Өнгөрсөн зун “цус сорогч” найз залуу Роберт Паттинсоныг хуурч “Цасан гоо бас анчин” киноны найруулагч Руперт Сандерстай уулздаг болсон хэрэг буруутгагдсан. Бүхий л хэвлэлээр таныг буруутгаж байлаа. Энэ бүхэнтэй хэрхэн тэмцэв?

-Надад нэр хүнд хурдан ирсэн. Энэ том зүйлийг олсны дараа би өөртөө тохиолдож буй үйл явдлуудыг хянах хэрэгтэй гэдгээ ойлгосон. Би мэргэжлээрээ ажиллаж өдий зэргийн нэр хүндтэй болсондоо баярладаг. Гэсэн хэдий ч энэ зүйл таны хувийн амьдралд нөлөөлж, хүмүүсийн анхаарлыг татдаг салшгүй сөрөг талтай. Хэрвээ та хувийн амьдралдаа ямар нэгэн алдаа гаргасан бол толгой гудайлган алхахаас өөр аргагүй. Энэ нь ч дээр байдаг юм.