"Ихбит" ХХК-ийг үүсгэн байгуулагч, ТУЗ-ийн дарга Б.Эрхэмбаяр энэ сарын 17-ны өдөр нас барсан тухай мэдээлэл олны анхаарлыг татав. Энэ талаар Цагдаагийн ерөнхий газраас “Цагдаагийн байгууллагад 2023 оны есдүгээр сарын 17-ны өдөр Сүхбаатар дүүргийн 20 дугаар хороо, Гүнжийн задгайд граж дотор “Хүн угаартаж, нас барсан байна” гэх дуудлага, мэдээлэл бүртгэгджээ. Тус дүүргийн цагдаагийн газрын Хоёрдугаар хэлтсээс шалгахад тус гражид 38 настай, эрэгтэй “Э” нь нас барсан, UTV бартаат замын дөрвөн дугуйтын хөдөлгүүр асаалттай байсан хэрэгт мөрдөн шалгах ажиллагаа явуулж байна" гэж мэдээлсэн. 

Хэдийгээр амиа хорлолт, санамсар болгоомжгүй шалтгаан гэж харж байгаа ч учир битүүлэг энэ хэргийн цаана яг юу байгааг цаг хугацаа бидэнд харуулах биз ээ. Тэгвэл бид та бүхэнд үүнтэй адил криптовалютын салбарт учир битүүлгээр нас барсан 10 залуу, нөлөө бүхий хүмүүсийг цувралаар онцолж байна. 

1. Тэрбумтан Фернандо Перез Алгаба

Алдарт крипто тэрбумтан Фернандо Перез Алгаба Аргентинд нас барсан байдалтай олдсон тухай өнгөрсөн долдугаар сард ил болсон. Аргентины криптовалютын нөлөөнд автсан Алгаба долоо хоног гаруй сураггүй болсон. Алгабагийн шарилыг Аргентины нийслэл Буэнос-Айрес хотын голын ойролцоо чемодан дотроос олсон юм. 

“Нью-Йорк Пост” сонинд "хэсэг хүүхдүүд голын эрэг дээр тоглож байхдаа улаан чемоданыг биеийн хэсгүүдээр дүүргэсэн байхыг олж илрүүлсний дараа энэ аймшигт хэрэг ил болсон” гэжээ. Тус тайланд бизнес эрхлэгч долдугаар сарын 19-нөөс хойш сураггүй алга болсон тухай бичсэн байв. Уг мэдээлэлд хүүхдүүдийн эцэг эх цагдаад мэдэгдсэнээр боодлыг шалгаж үзээд Алгабагийн хөл, гарын шууг олсон байна.  Түүний нөгөө гар нь горхиноос олдсон.  Дараа нь цагдаа нар алга болсон толгой, их биеийг олсон байдаг. Цагдаа нар "Биеийн хэсгүүдийг цэвэрхэн тайрсан нь мэргэжлийн хүний ​​хийсэн ажил байсан" гэж мэдэгджээ. Задлан шинжилгээгээр Алгабагийн цогцсыг нь таслахаас өмнө гурван удаа буудсан нь тогтоогдсон. Цагдаа нар Алгабааг хурууны хээ болон биеийн хэсгүүд дээрх өвөрмөц шивээсээр нь таньж чадсан юм. 

Бие даасан тэрбумтан тэрбээр нь Майамигаас нүүж, Испанийн Барселона хотод амвдардаг байжээ. Алагдхаасаа өмнө тэрбээр Аргентинд долоо хоног байсан аж. Алгаба тансаг зэрэглэлийн машин түрээслэх, криптовалют зарах зэргээр баялгаа хуримтлуулж, тансаг амьдралын хэв маягаа Instagram дээрээ нийтэлсэн нь бараг нэг сая гаруй дагагчтай болгожээ. Тэрбээр байр түрээсэлж байсан бөгөөд долдугаар сарын 19-нд түлхүүрээ буцааж өгөх ёстой байсан ч ирээгүй тул үл хөдлөх хөрөнгийн эзэн алга болсон тухай гомдол гаргасан гэдэг. Цагдаа нар Алгабагийн үхэлтэй холбогдуулан нэг хүнийг баривчилсан. 

2. Эмч Жон Форсит

Жон Форсит нь өвчтөнүүддээ маш их анхаарал халамж тавьдаг, ажлын байран дээрх таагүй байдлыг намжаахын тулд яаралтай тусламжийн өрөөнд сувилагч нарыг шоолдог, наргианч, шаргуу хөдөлмөрч эмч гэдгээрээ алдартай байв. Тэрбээр найман хүүхдийн аав бөгөөд саяхан сүй тавьсан. Мөн тэрбээр ахтайгаа хамтран криптовалютын бизнесийг үүсгэн байгуулжээ. 

Өнгөрсөн зургадугаар сард Миссуригийн баруун өмнөд хэсэгт орших нэгэн хотоос гэнэт алга болж, цогцсыг нь Арканзасын нуураас олсон нь түүнийг таньдаг хүмүүсийг уйд автуулав. .Түүний эгч Тиффани Форсит "Дэлхий бидний дээр унасан юм шиг хүнд, бид зүгээр л шоконд орсон" гэж хэлсэн. 

49 настай Форсит тавдугаар сарын 21-нд нийтийн усан бассейны зогсоолоос алга болжээ. Бууны шархтай байсан түүний цогцсыг ес хоногийн дараа олжээ. Задлан шинжилгээ хийсэн ч дор хаяж хоёр сарын хугацаанд дүгнэлт гарахгүй удсан. Хууль сахиулагчид олон нийтэд аюул учруулахгүй гэхээс өөр дэлгэрэнгүй мэдээлэл бараг өгөөгүй байна. 

3. Технологийн магнат Боб Ли

Android болон Cash програмыг бүтээхэд тусалсан технологийн магнат Сан Франциско хотод хутгалуулж амиа алджээ гэх мэдээлэл энэ оны дөрөвдүгээр сард олонд ил болов. Тэр бол 43 настай Боб Ли билээ. Өглөөний 2.35 цагт хотын төвийн тансаг зэрэглэлийн Ринкон Хилл хороололд тэр халдлагад өртжээ. Цагдаа нар төв гудамжны 300 дугаар хороололд далайн эрэгт ойрхон өндөр байшингийн үүдэнд очиход хоёр хүүхдийн аав тэрбээр олон хутганы шархтай байсныг илрүүлжээ.

Найзууд нь "San Francisco Standard"-д түүнийг ажил хэргийн зорилгоор урьсан бөгөөд хутгалуулсан өдөр нь түүний нэг хоногоор үлдэх төлөвлөгөөнд байжээ.  Твиттер болон Тесла компанийн гүйцэтгэх захирал Илон Маск мөн аймшигт үйл явдлын талаар тайлбар хийж, Сан Францискогийн DA-аас "давтан хүчирхийлэл үйлдэгчдийг хорих" талаар юу хийж байгааг асуув.

Тэрбээр "Үүнийг сонссондоо маш их харамсаж байна. Миний таньдаг олон хүнд хатуу хүчирхийлэлд өртсөн. SF-д хүчирхийллийн гэмт хэрэг аймшигтай, халдагчдыг барьж авсан ч тэр дор нь сулладаг" гэжээ. 

4. Пак Мо

Bithumb-ийн хамгийн том хувьцаа эзэмшигч Пак Мо 2022 оны арванхоёрдугаар сарын 30-ны өглөөний 4 цагт байшингийнхаа гадаа нас барсан байдалтай олджээ. Bithumb бол Өмнөд Солонгосын криптовалютын бирж бөгөөд үйлчлүүлэгчид өөр өөр криптовалют худалдаж авах эсвэл зарах боломжтой. Энэ нь тус улсын хамгийн том биржүүдийн нэг ажээ. 

Пак нь Bithumb-ийн хамгийн том хувьцаа эзэмшигч Видентегийн дэд ерөнхийлөгч байсан. Өмнөд Солонгосын "Money Today" сонинд  Пак Bithumb-аас мөнгө завшсан, хувьцааны үнийг удирдсан хэргээр шалгагдаж байсан гэж мэдэгдсэн. Пак ялаас мултрахын тулд амиа хорлосон гэж үзэх олон хүн байгаа ч энэ нь крипто ертөнц дэх ганц нэг тохиолдол биш юм. 

Үнэн хэрэгтээ энэ нь маш хачирхалтай нөхцөл байдалд нас барсан олны танил, гайхалтай баян крипто хүмүүсийн нэгд тооцогдож байгаа юм. 

5. Крипто саятан Хавьер Биоска

Өнгөрсөн оны арваннэгдүгээр сард крипто саятан Хавьер Биоска  Испанид тагтан дээрээсээ унаж, нас барсан байдалтай олджээ. 

Биоска криптогийн харанхуй талыг олж харсан хүмүүсийн нэг байсан нь нууц биш. Тэрбээр барилгын дэлгүүрийн эзэн болж байхдаа удалгүй криптовалютыг олж мэдсэн. Мөн крипто луйварчин гэдгээрээ алдартай болсон. Биоска хуульчид, улс төрчид, бизнесмэнүүд болон олон тооны танхайрагчдыг залилсан. Тэрбээр эдгээр луйврын ачаар халаасандаа 100 сая евротой болсон.

Мэдээжийн хэрэг, тэр замдаа маш хүчтэй дайснуудыг цуглуулсан. Удалгүй 2021 оны долдугаар сард Испанийн цагдаа нар Биоскаг баривчилжээ. Хачирхалтай нь, найман сар шоронд хоригдсоны дараа нэгэн нууцлаг ивээн тэтгэгч нэг сая ам.долларын батлан ​​даалтад гаргаж, тэр шуугианаас мултарсан. Гэхдээ яг л цаазын тавцан руу илгээгдсэн мэт санагдана. 

Энэ нь Биоскагийн хувьд сайнаар төгссөнгүй, учир нь тэр удалгүй зочид буудлын тагтан дээрээс унасан нь хуйвалдааны онолчдын үзэж байгаагаар амиа хорлосон хэрэг биш байв.

Л.Сайнаа