Өсвөр үеийн охидын шүтээн болсон Жастин Биберийн хайртай бүсгүй Селена Гомезын ярилцлагыг хүргэе. Дуучин, жүжигчин, загварын ертөнцийн од гээд түүний насанд ахадмаар олон үүргийг Селена үүрч яваа. Багадаа хүнд хэцүү амьдралыг туулж ирсэн ч өнөөдөр өөрийн хүчин чармайлтаар хэрхэн амжилтанд хүрч болдгийг харуулсан нэгэн бол Селена юм. Тэрбээр хамгийн сүүлд “Трансильваниа зочид буудал” хэмээх хүүхэлдэйн кинонд дуу оруулсан байна.

Өсвөр үеийн охидын шүтээн болсон Жастин Биберийн хайртай бүсгүй Селена Гомезын ярилцлагыг хүргэе. Дуучин, жүжигчин, загварын ертөнцийн од гээд түүний насанд ахадмаар олон үүргийг Селена үүрч яваа. Багадаа хүнд хэцүү амьдралыг туулж ирсэн ч өнөөдөр өөрийн хүчин чармайлтаар хэрхэн амжилтанд хүрч болдгийг харуулсан нэгэн бол Селена юм. Тэрбээр хамгийн сүүлд “Трансильваниа зочид буудал” хэмээх хүүхэлдэйн кинонд дуу оруулсан байна.

-Олны танил хүмүүс хайр сэтгэл, үерхлийн асуудлаа их нууцалдаг. Гэтэл чи Жастинтай хайр сэтгэлийн холбоотойгоо анхнаасаа л олонд дэлгэсэн?

-Би тиймэрхүү зүйлийг нуух дургүй л дээ. Аливаа зүйл тодорхой байсан нь дээр. Би өөрийгөө хайр дурлал, хүнийг таних тал дээр шийдвэр гаргах цаг болсон гэж боддог.

-Тэгвэл Жастины фэн охидод юу гэж хэлмээр байна?

-Би түүнд үнэхээр хайртай.

-Өнөөдөр чи урлагийн ертөнцөд хүлээн зөвшөөрөгдсөн нэгэн болсон байна. Энэ амжилтад хэрхэн хүрсэн гэж боддог вэ?

-Миний гэр бүл, найз нөхөд маань намайг үргэлж дэмждэг. Үүний хүчинд л би өдий зэрэгтэй явж байна. Хамгийн гол нь би үнэхээр азтай. Надад хааяа ч гэсэн энэ байдлаасаа залхаж, хэцүү санагдах онцгүй мэдрэмж төрдөггүй гээд л бод. Миний амьдрал үнэхээрийн гайхалтай. Яагаад гэхээр би эрүүл саруул, намайг хайрладаг гэр бүл найз нөхөд, фэнүүд маань ч байна. Бас би муу муухай зүйл бодох дургүй. Эргэн тойронд минь байгаа хүмүүс ч хар бараан хэрэггүй зүйлийг ойшоодоггүй юм.

-Олны анхааралд байхаар дарамттай санагдах үе байна биз?

-Тийм үе байна аа. Гэхдээ хүн бүрийн амьдралд дарамттай санагдах үе байдаг шүү дээ. Миний үеийнхэн одоо коллежид сурч хичээл номноосоо болж стресстэж байгаа. Бусад нь гэр орон, байшин яаж худалдаж авах зэргээр дарамттай тулгардаг л байх. Хүн болгоны амьдралд дарамт байдаг. Гэхдээ миний хувьд тэр дарамт нь арай өөр юм болов уу.

-Хэвлэлээр чиний тухай янз бүрийн хов жив бичигддэг шүү дээ. Энэ дарамтын тухай?

-Уг нь хов живнээс аль болох хол байхыг хүсдэг. Даанч миний хийдэг ажил хов живнээс холуур байх боломжгүй юм. Миний талаар янз бүрийн зүйл, хов жив гарсан л байдаг л даа. Хааяа уншаад эвгүй санагддаг юм. Гэхдээ миний амьдрал яг тэр бичээд байдаг шиг биш. Тэгээд ч би тэрийг нь нэг их тоодоггүй.

-Паппарацид өртөөд уур хүрнэ биз?

-Тийм ээ. Гэхдээ татгалзах боломжгүй болохоор одоо яая гэх вэ дээ. Тэд намайг ажиллаж байхад, гэртээ амрах үеэр, бүр амралтанд байхад хүртэл дагадаг. Энэ шударга биш шүү дээ. Гэлээ ч би тэднийг нэг их ойшоодоггүй юм. Уг нь тэд ч гэсэн амьдрах гэж яваа улс гэдгийг мэднэ л дээ. Гэхдээ л би паппарациудад үнэхээр дургүй.

-Олны танил хүмүүсээс хэнтэй нь хамт аялалд явахыг хүсэх вэ? Жастинаас өөр хүнтэй гэвэл?

-Би Тейлор Свифттэй аялалд явах их дуртай. Хэдийгээр өмнө нь түүнтэй Нэшвилль, Лос Анжелес руу хамт аялж байсан ч дахиад хамт явмаар л байна. Бид бие биенээ гурван жилийн өмнөөс мэднэ. Тэр үнэхээр хөгжилтэй шүү.

-Тэгэхээр тэр чиний дотны найз юм байна, тийм үү?

-Би “Хамгийн сайн найз” гэсэн шошгыг найзууддаа өгсөн л дөө. Энэ инээдтэй санагдаж болох ч хүн хэн нэгэнд хайрлуулж, итгүүлж, дотно нөхөрлөж чадвал тэр хамгийн азтайд тооцогддог юм шиг санагддаг. Би тэгэхээр өөрийгөө маш их азтай хүнд тооцсон. Миний амьдралд үнэхээр ухаантай, надад итгэдэг таван найз бий. Тэднийгээ нэрлэж ч болно, Женнифер, Эшли, Тейлор, тэгээд хоёр ихэр найз маань байна.

-Найзуудтайгаа үргэлж хагаралгүй, эв түнжинтэй байна гэж үгүй байх?

-Тийм ээ. Зарим үед хэн нэгнийг ашиглахын төлөө нөхөрлөдөг хүмүүсийн тухай бодох үе гардаг. Гэтэл заримдаа эсрэгээрээ “Хөөх надад ийм сайн найз байгаа гэдэгт итгэж чадахгүй нь” гэж уулга алдмаар сайхан үе ч тохионо. Гэхдээ хүмүүстэй харилцах тусам бусдын ааш зан, сайхан чанар, эсвэл худал хуурмаг байдал нь хүнд хичээл болдог болов уу. Хүн томрох тусмаа тэр олон найз нараас сонголтоо хийдэг байх. Би хэнтэй нийлэх, хэнээс зайгаа барих хэрэгтэйг дээрх хичээлээс мэдэж авдаг гэж боддог. Гэвч яг одоо би найзуудтайгаа байхад үнэхээр жаргалтай сайхан байна. Амьдралынхаа найз нарыг олж чадсан гэж бодож байгаа.

-Хэрвээ найз чинь чамаас урвах юм бол дахин нэг боломж олгож чадах уу?

-Би боломж олгож чадна аа. Гэхдээ хоёроос илүү боломж олгож чадахгүй байх. Би энэ сэдвээр ярих их дуртай. Хэдийгээр түүнийг хүндэлж хайрлаж, хоёр удаа боломж олголоо ч эцсийн эцэст шударга бус, урвагч хэвээрээ байвал цаашид итгэж чадахгүй. Чи тэртэй тэргүй энэ хүнийг өөрчилж чадахгүй шүү дээ.