"Vanquish" хамтлагийн гишүүн Н.Цэцэ буюу Н.Цэцэнбилэг  2004 онд Vanquish хамтлагийг байгуулж залуусыг байлдан дагуулсан "Excel" дууг гаргаж, 2008 онд "Hood" зэрэг дуугаа сонсогчдод хүргэж, үүний дараагаар олон олон уран бүтээлийг гаргаж байсан. Тэгвэл тэрбээр шинэ клуб байгуулж , тун удахгүй "Нийслэл хүү" нэртэй тоглолт хийх гэж байгаа билээ. Ингээд энэ удаагийн ярилцлагын маань зочноор Н.Цэцэнбилэг уригдсан юм.

    "Vanquish" хамтлагийн гишүүн Н.Цэцэ буюу Н.Цэцэнбилэг  2004 онд Vanquish хамтлагийг байгуулж залуусыг байлдан дагуулсан "Excel" дууг гаргаж, 2008 онд "Hood" зэрэг дуугаа сонсогчдод хүргэж, үүний дараагаар олон олон уран бүтээлийг гаргаж байсан. Тэгвэл тэрбээр шинэ клуб байгуулж , тун удахгүй "Нийслэл хүү" нэртэй тоглолт хийх гэж байгаа билээ. Ингээд энэ удаагийн ярилцлагын маань зочноор Н.Цэцэнбилэг уригдсан юм.

-Тун удахгүй, хэдхэн хоногийн дараа өөрийн чинь бие даасан тоглолт болох гэж байна. Сэтгэгдэлээ хуваалцаач?
-11 дүгээр сарын 30-нд "Нийслэл хүү" нэртэй анхны бие даасан тоглолт минь болох гэж байна. Энэхүү тоглолтонд маань "Vanquish" хамтлаг, Опозит хамтлагийнхан мөн  BX, амьд хөгжмийн Бирд хамтлаг, DJ Чин гэсэн хүмүүс оролцож байгаа. Тоглолтыг "Хас медиа", "Fashion TV" зохион байгуулж байна. АСА циркид болох энэхүү тоглолт маань  Монголд анх удаагаа нэлээн томоохонд тооцогдох хип хоп тоглолт болно гэж найдаж байна.

-"Нийслэл хүү"  клубынхаа талаар?
-Энэ оны 10 дугаар сарын 10-нд  "Нийслэл хүү" нэртэй клуб маань байгуулагдсан байгаа. Энэ клубын анхны үйл ажиллагаа болгож залуучууддаа зориулсан "Нийслэл хүү" нэртэй онлайн нэвтрүүлэг хийсэн. Яваандаа бол залуучуудаа уриалан дуудаж нийслэл хотынхоо төлөө илүү ихийг хийх зорилготой байгаа. Түүний дараагаар буюу өнгөрсөн долоо хоногт асрамжийн газрын хүүхдүүдэд хичээлийн хэрэгсэл хандивласан. Мөн "2012"  цомгийнхоо орлогыг Их нялхсын клиникт хандивласан байгаа. Үүний үргэлжлэл болгож энэ сарын 30-нд "Нийслэл хүү" тоглолт хийхээр төлөвлөж байна. Тоглолтын орлогоос тодорхой тэтгэжийг бас асрамжийн газрын хүүхдүүдэд хандивлахаар болсон.

-Онлайн нэвтрүүлэг чинь бас залуучуудад хүрч чадсан юм болов уу гэж санагддаг юм. Цааш нь үргэлжүүлж хийе гэсэн бодол байгаа юу?
Үргэлжлүүлж хийнэ гэсэн бодолтой байгаа. Яагаад больсон бэ гэхээр нийслэл хотыгоо зөв талаас нь үзүүлэх зорилготой байсан. Тийм болохоор хот маань өвөл утаатай, хүмүүс зузаан хувцсандаа орчихсон байдаг болохоор өнгө үзэмжтэй талаас нь үзүүлэх боломжгүй болчихоод байгаа юм. Мөн тоглолттой давхцаад түр хойш тавьсан байгаа.

-"Нийслэл хүү" клубын үйл ажиллагаа нь  нийгмийн сайн сайхны төлөө, залуучуудын төлөө чиглэнэ гэж ойлгож болох уу?
-Нийгэмд тулгарч буй асуудлуудыг залуучуудын тусламжтайгаар шийдвэрлэх. Эхний барих чиг хандлага бол асрамжийн газрын хүүхдүүдэд чиглэсэн байгаа. Асрамжийн газрын хүүхдүүдийн хичээлийн хэрэгсэл болон эм тарианы хангамж хүрэхгүй байгаа гэсэн үүнийг зохицуулах. Асрамжийн газраас гараад өнөөх хүүхдүүд хаачих вэ зэрэг нийгэмшүүлэх ажлыг зохион байгуулна. "Нийслэл хүү" клуб маань тодорхой соёл урлагийнхан болоод зарим нэг нийгэм рүү чиглэсэн байгууллага болон аж ахуй нэгжүүд хамрагдаж байгаа. Энэ клуб маань залуучууд руу чиглэсэн байгаа учир бусад байгууллага бас нэгдэх боломжтой.

-"Нийслэл хүү" нэрнийхээ тухай ярихгүй юу?
-Нийслэл гэдэг нэртэй учир нийслэл хотоо хот шиг хот болгоё. Өөрийнхөө дуу хоолойг чадах чинээгээрээ хүргэе. Нийслэлээ хөгжүүлэхэд өөрсдийн үйл ажиллагааг нэмэр болгож хамтдаа гар бие оролцоё гэж хүссэн. Нийслэл хотыг сайхан байгаасай гэдгийг дуулаад эсвэл хүсээд, мөрөөдөөд өнгөрөөх биш үүнийг бас тодорхой үйл ажиллагаа болгоод залуучуудыг хамруулъя гэж зорьсон.

--Шинэ цомог гаргах гэж байгаа гэсэн?
-"Бороонд норсон бор туулай" нэртэй шинэ цомог гаргах гэж байгаа. Цомогт маань 15 дуу багтсан.
Мөн одоогоор эмэгтэй хүний гоо сайхныг харуулсан шинэ клип хийж байгаа. Урлаг дотроо хип хоп урсгал маань нийгмээ шүүмжилж, хэн хэнээ хурц ширүүнээр хэтэрхий их хэлээд байх шиг. Нийгмийн бас бараан зүйлийг шүүмжилдэг. Тэгж байхад нь би бас шүүмжлээд яахав. Юм гэдэг хоёр талтай. Би бас сайн талыгаа баръя гэж бодож байгаа.

-"Миний пүүз" дуугаараа "UBS Music awards" -ын олны таашаалд нийцсэн клипээр тодорсон байсан. Ер нь энэхүү дууг гарсанаас хойш залуучууд маань оригналь пүүз өмсөхийг боддог болсон юм шиг?

-Яахав энэ бол миний томоохон хэмжээний сонирхол юм. Пүүз цуглуулах дуртай. Цуглуулсаар байх болно.

- Пүүзний цуглуулга чинь хэд хүрсэн бэ?
Сүүлд тоолоогүй. Ямартай ч тавь гарчихсан л байсан даа.

-Тэгвэл хамгийн үнэтэй болон хямд пүүз чинь хэдэн төгрөгний үнэтэй вэ?
-Монголд оригнал пүүз их үнэтэй юм. Монголд ирчихээд нэмээгүй гэж хэлж болно. Дээд тал нь 500 доллараар л авч байсан байх. Хамгийн хямдхан нь гэвэл Америкт хямдрал их зарладаг. Тэр үед л авч байсан байх.

-Цэцэ айлын хэд дэх хүүхэд вэ? Эцэг, эх гэр бүлийнхээ тухай ярихгүй юу?
-Манай ээж бол Орос хэлний мэргэжилтэй. Аав маань цахилгааны инженер  хүн байдаг. Ээжийн маань хувьд хувиараа бизнес эрхэлдэг. Харин аав мэргэжлээрээ ажилладаг. Би нэг эгчтэй. Айлын бага.

-Анхны хайртайгаа учирсан уу. Хайрыг өөрийнхөөрөө тодорхойлооч?
-Анхны хайртайгаа учирсан. Хайр бол харилцан итгэлцэл гэж боддог.

-Найз охинтой юу?
-Найз охинтой. Үерхээд хоёр жил болж байна. Америкт нэг хотод байсан. Тэгж л танилцаж байсан.

-Өөрөө бас АНУ-д сургууль төгсөөд ирсэн. Тэнд байхдаа Япон хоолын тогооч хүртэл хийж сургалтынхаа төлбөрийг олдог байсан гэсэн. Тэр үеэ дурсаач?
  -Ерөнхийдөө уран бүтээл дээрээ ч хэлдэг байсан. Би ажил хийдэг, бас сурдаг. Өөрөө бүхнийг хийж бүтээхийн төлөө явж байна гээд л. Би АНУ-д интерьер дизайны чиглэлээр сураад энэ зун төгссөн. Хүн дотор нь байхаараа аливаа юмны болохгүй байгаа зүйлийг сайн олж хардаггүй. Гаднаас харж байгаа хүн илүү сайн олж хардаг юм байна лээ. Сургуулиа төгсөөд Монголдоо очиж чадах чинээгээрээ юм хийнэ гэж өөртөө амалсан.