Газын зурваст гал зогсоох хэлэлцээрийн эхний шатанд ХАМАС бүлэглэлээс суллах ёстой үлдсэн барьцааны 26 хүний найм нь нас барсан гэж Израилын тал мэдэгдлээ. Засгийн газрын хэвлэлийн төлөөлөгч Дэвид Менсер сэтгүүлчдэд хэлэхдээ, Израил Палестины зэвсэгт бүлэглэлээс барьцаалагдсан хүмүүсийн талаарх мэдээллийг хүлээн авсан байна.
Тэрбээр хэлэхдээ, "ХАМАС-аас гаргасан жагсаалт Израилын тагнуулын албатай таарч байгаа тул би тантай хуваалцаж байна ... найман хүн ХАМАС бүлэглэлийн барьцаанд байхдаа амь үрэгдсэн. Ар гэрийнхэнд нь хамаатан садныхаа нөхцөл байдлын талаар мэдээлэл өгсөн” гэв. Нэгдүгээр сарын 19-нд гал хоёр зогсоож эхэлснээс хойш Израилын шоронд хоригдож байсан 290 гаруй палестин хоригдлын хариуд долоон эмэгтэйг эсэн мэнд сулласан байна.
Ням гаргийн орой Израилын Ерөнхий сайд Биньямин Нетаньяхугийн ажлын алба ХАМАС бүлэглэл эмэгтэй энгийн иргэн Арбел Йехуд, эмэгтэй цэрэг Агам Бергер болон өөр нэг барьцааны хүмүүсийг пүрэв гарагт суллахаар тохиролцсон гэж мэдэгдэв.
2023 оны 10 дугаар сарын 07-нд 1200 орчим хүн амь үрэгдэж, 251 хүн барьцаалагдсан. Хил дамнасан халдлагын хариуд Израилийн арми ХАМАС-ыг устгах кампанит ажлыг эхлүүлсэн. Хамас бүлэглэлийн удирддаг Эрүүл мэндийн яамнаас мэдээлснээр, түүнээс хойш Газын зурваст 47,310 гаруй хүн амь үрэгджээ.
Одоогоор барьцаалагдсан хүмүүсийн 87 нь олзлогдсон хэвээр байгаагийн 34 нь нас барсан гэж Израилын тал мэдэгдсэн байна. Үүнээс гадна дайны өмнө хулгайлагдсан гурван израил хүн байгаагийн нэг нь нас барсан аж.
Л.Баяр
