Мета компани дэлхий даяар 50 мянган км урт далайн доорх кабель татахаар төлөвлөж байгаагаа зарлав. Технологийн аварга компани АНУ, Энэтхэг, Өмнөд Африк, Бразил болон бусад бүс нутгийг холбосон "Уотерворт" төслөө дуусгаж дэлхийн хамгийн урт усан доорх кабелийн төслөө эхлүүлнэ гэж мэдэгджээ.
Facebook, Instagram, WhatsApp-ыг эзэмшдэг Meta нь хиймэл оюун ухаан (AI) болон түүнийг дэмждэг дэд бүтцүүд зэрэг олон нийтийн мэдээллийн хэрэгслээс гадна технологийн салбарт өөрийн оролцоог нэмэгдүүлэхийг хичээж буй. Уг кабелийн төсөл нь таван том тивийг хангаж, хиймэл оюун ухааны хөгжилд хувь нэмэр оруулах ажээ.
Мета блогтоо "Энэ төсөл нь эдийн засгийн хамтын ажиллагааг идэвхжүүлж, дижитал оролцоог хөнгөвчлөх, эдгээр бүс нутагт технологийн хөгжлийн боломжийг нээх болно" гэж бичжээ.
Тэдний мэдээлснээр, кабель нь 24 шилэн хос системийг ашигладаг хамгийн урт бөгөөд илүү өндөр хүчин чадалтай байх болно. Далайн доорх кабель нь төрөл бүрийн дижитал үйлчилгээг эрчим хүчээр хангаж, өгөгдлийг дэлхий даяар хурдтай дамжуулах боломжийг олгодог тул дэвшилтэт арга барил байх нь гарцаагүй. Статистик мэдээгээр дэлхийн интернетийн траффикийн 95 гаруй хувь нь далайн доорх кабелиар дамждаг байна.
Харилцаа холбооны зах зээлийн судалгааны "TeleGeography" фирм одоогоор дэлхий даяар олон нийтэд танигдсан 600 гаруй далайн доорх кабелийн систем байгаа гэж мэдэгджээ. Үүнд Meta болон Orange, Vodafone, China Mobile зэрэг үүрэн холбооны операторуудын дэмжлэгтэй гурван тивийг холбодог, 45 мянган км замыг туулдаг "2Africa" кабель багтана.
Л.Баяр
