МАХН-ын Гүйцэтгэх товчоо өчигдөр орой хуралдаж, хамтарсан Засгийн газраас гарах шийдвэр гаргаснаа мэдэгдсэн. Энэ талаар МАХН-ын Нийслэл буюу намын байгуулалт хариуцсан нарийн бичиг Г.Бямбасүрэнгээс тодрууллаа.
    МАХН-ын Гүйцэтгэх товчоо өчигдөр орой хуралдаж, хамтарсан Засгийн газраас гарах шийдвэр гаргаснаа мэдэгдсэн. Энэ талаар МАХН-ын Нийслэл буюу намын байгуулалт хариуцсан нарийн бичиг Г.Бямбасүрэнгээс тодрууллаа.

-МАХН Засгийн газраас гарч байгаа гэсэн. Энэ талаар тодруулахгүй юу?

-Өчигдөр МАХН-ын Гүйцэтгэх товчоо хуралдаж, МАХН хамтарсан Засгийн газраас гарах шийдвэр гаргасан. Учир нь МАХН-ын дарга Н.Энхбаярыг хорьсон нь шударга бус үйлдэл.

-Зөвхөн Н.Энхбаярын асуудлаас болж, Засгийн газраас гарч байгаа юм уу?

-Үгүй. Н.Энхбаярт тулгасан ял болон өрнөж буй үйл явцыг хэлэлцэж байж шийдвэр гаргасан. Мөн орон нутгийн сонгуульд манай намыг хааж, боосон. Тиймээс энэ бүхнээс хамааран Засгийн газраас гарах шийдвэр гаргалаа.

-Энэ нь МАХН-ын шийдвэр үү, "Шударга ёс" эвслийнх үү?

-"Шударга ёс" эвслийн шийдвэр биш. Зөвхөн МАХН-ын Гүйцэтгэх товчооноос гаргасан шийдвэр.

-Дээд шүүхийн шийдвэр Н.Энхбаярт ашигтайгаар гарвал яах вэ?

-Хэрвээ Н.Энхбаяр даргыг суллавал Засгийн газраас гарах асуудлаа эргэн харж болно.