Европын холбооны ерөнхийлөгч Урсула фон дер Лейен өчигдөр орой АНУ-ын ерөнхийлөгч Доналд Трампын тогтоосон татвараас болж дэлхийн эдийн засаг "их хэмжээний хохирол амсах болно" хэмээн анхааруулж, Европын холбоо "хариу өгөхөд бэлэн" гэж мэдэгдэв.

Трамп Европын холбоонд 20 хувийн татвар ногдуулсан тус холбоонд багтах улс орнуудыг сандаргасан үйл явдал болов. Гэвч Европын холбоо АНУ-тай хэлэлцээр хийхэд бэлэн байна.

Францын ерөнхийлөгч Эммануэль Макрон өнөөдөр үдээс хойш Трампын тарифын нөлөөлөлд өртсөн салбаруудтай яаралтай хурал зарлалаа.

АНУ-ын импортын автомашины 25 хувийн татвар нь Германы автомашин үйлдвэрлэгч BMW , Mercedes , Volkswagen-д 11 тэрбум еврогийн хохирол учруулж болзошгүй гэсэн тооцоог гаргажээ. Герман улс ЕХ-ны хамгийн том автомашин экспортлогч орон юм.

Лейен Европчуудад шууд хандан "Та нарын ихэнх нь бидний хамгийн эртний холбоотонд сэтгэл дундуур байгааг би мэдэж байна. Одоо бид яах эсэхээ сайтар бодох ёстой" гэжээ.

Л.Баяр