Пакистаны дээд албан тушаалтан Энэтхэгийн тал ойрын хоёр хоногийн дотор Исламабадын эсрэг цэргийн ажиллагаа явуулна гэсэн "баталгаатай тагнуулын мэдээлэл ол авсан" гэж Лхагва гаргийн эхээр мэдэгдэв. Мэдэгдлийн дараа Энэтхэг, Пакистаны хоорондын хурцадмал байдал улам хурцдав бололтой. АНУ болон Хятадын засгийн газар уг хоёр улсыг тэвчээртэй байхыг уриалсан үед ийм мэдэгдэл гарч байгаа нь ямар нэгэн далд санаа гэж Энэтхэгийн тал үзэж байна.

Пакистаны Мэдээллийн сайд Аттаулла Тарар "Ирэх 24-36 цагийн дотор Энэтхэг Пакистаны эсрэг цэргийн ажиллагаа явуулахаар төлөвлөж байна гэсэн найдвартай тагнуулын мэдээлэл Пакистанд байна" гэж мэдээлжээ. Уг мэдээлэлдээ Пакистан ямар нотлох баримт ашигласан талаар дэлгэрэнгүй тайлбарлаагүй байна.

Энэтхэгийн хяналтад байдаг Кашмирын Пахалгам уулархаг хотод зэвсэгт этгээдүүд 26 жуулчдыг хоморголон устгаснаас хойш ердөө долоо хоногийн дараа ийм мэдээлэл тарж байгаа бөгөөд олон нийтийн дургүйцлийг төрүүлэв. Энэтхэг улс Пакистаныг халдлагад оролцсон гэж буруутгаж байгаа бөгөөд Исламабад үүнийг үгүйсгэж байна. Пакистан энэ үйл явдалд төвийг сахисан мөрдөн байцаалт явуулахыг санал болгосон.

Хоёр орны Цэргийн дарга нар мягмар гарагт халуун утсаар ярьсан гэх мэдээлэл ч бий. Магадгүй тэдний яриа маргаанаар өндөрлөсөн гэж хардах олон ч бий. Дэлхийн хамгийн аюултай цэгүүдийн нэг болох Кашмир нь хэсэгчлэн Энэтхэг, Пакистаны хяналтад байдаг ч хоёр тал өөрийн эзэмшил гэж бүрэн итгэдэг учир үөрчилдөөн тасардаггүй.

Цөмийн зэвсэгтэй хоёр орон ойролцоогоор 80 жилийн өмнө Их Британиас тусгаар тогтнолоо салгаснаас хойш "Хяналтын шугам" гэж нэрлэгддэг де-факто хилээр хуваагдсан уулархаг нутаг дэвсгэрийн төлөө гурван удаа дайн хийжээ.

Л.Баяр