Израилын арми өнгөрсөн даваа гарагт Ливан, Йемен, Сири, Газад нэгэн зэрэг цохилт өглөө. Израилын арми Газын зурвас дахь цэргийн ажиллагаагаа өргөжүүлэх зорилготой байгаагаа саяхан мэдэгдсэн. 

Цэргийн ажиллагаагаа тэлж сүрийг үзүүлэх болсны илрэл нь даваа гарагт болсон халдлагууд болж байна гэж олон улсын хэвлэлүүд мэдэгдэв. ХАМАС бүлэглэлийнхэн орогнож буй газруудыг онилсон гэх тайлбартай уг халдлагын хохирогч нь энгийн иргэд байв. Даваа гаргийн уг халдлагын улмаас 50 энгийн иргэн амь үрэгдсэн байна. 

Израилын арми Йемен Ходейда боомт хот болон ойролцоох цементийн үйлдвэрийг бөмбөгдсөн. Энэ явдлыг Йемений хуситууд Израилийн гол нисэх онгоцны буудал Бен Гурионы ойролцоо бууж, пуужин харваснаар хэд хэдэн хүнийг шархдуулсны хариу гэж үзэж байна. Бөмбөгдөлтийн улмаас тус улсад хоёр хүн амиа алдаж, 40 гаруй хүн шархадсан аж.

Түүнчлэн тэд Ливаны хэд хэдэн байршилд, тэр дундаа Сидон хот болон Баалбек-Хермелийн бүс нутагт цохилт өгчээ. Энэ халдлага нь ХАМАС-тай холбоотой Хезболла бүлэглэл рүү чиглэсэн байв. Энгийн иргэдийг оролцуулаад дор хаяж 55 хүн амь үрэгдээд байна.

Сирийн өмнөд хэсгийн Дара хот орчмын бүс нутгийг Израил мөн онилжээ. Энэ нь Сирийн нутаг дэвсгэрээс Израилын цэргүүд рүү дайрсны хариу үйлдэл байв. 

Л.Баяр