Энэтхэг, Пакистаны хилийн Кашмир мужид жуулчдын амийг хоморголон хөнөөсөн халдлагаас хойш хоёр орны харилцаа муудаж, усны дайн зарлаад байгааг олон улсын хэвлэлүүд мэдээлэв. Өнгөрөгч долоо хоногт Пакистаны олж авсан мэдээллээр Энэтхэг тэний эсрэг цохилт өгөх байв.
Олж авсан мэдээлэл батлагдаж Энэтхэг улс лхагва гарагт Пакистанд цохилт өгч, Пакистаны хүн ам шигүү суурьшсан Пунжаб муж болон Пакистаны захиргаанд байдаг Кашмир дахь террористуудын дэд бүтцийг онилжээ. Халдлагын улмаас гурван хүн амь үрэгдэж, 10 гаруй хүн шархадсаныг Пакистаны Батлан хамгаалах яам батлаад байна.
Пакистаны талаас Энэтхэгийн Агаарын цэргийн хүчний таван онгоц болон нэг нисгэгчгүй онгоцыг устгажээ. Тэдгээрийн нэг нь "Рафале" онгоц бол үлдсэн нь МиГ-29, СУ-30 сөнөөгч онгоцууд байсан гэж эх сурвалжууд мэдээлэв. Одоогоос бараг 80 жилийн тэртээ 1947 оны наймдугаар сарын 15-нд Британийн харьяанд байсан Энэтхэг улс тусгаар тогтнолоо зарлаж, улмаар Энэтхэг, Пакистан гэсэн хоёр улс болж хуваагдсан түүхтэй. Энэ цагаас хойш цөмийн зэвсэгтэй хөршүүд Кашмирын бүс нутгийн төлөө гурван ч удаа дайн хийсэн. Кашмир бол дэлхийн хамгийн аюултай галын цэгүүдийн нэг. Хамгийн сүүлд 2019 онд Энэтхэг улс Пакистаны нутаг дэвсгэрт цохилт өгч байсан билээ.
Л.Баяр
Сэтгэгдэл (2)