Цөмийн өрсөлдөгч Энэтхэг, Пакистан хоёрын хоорондох богинохон боловч ширүүн мөргөлдөөний дараа хоёр тал амжилтаа чанга дуугаар ярьж, алдагдлаа намуухнаар дуугарч байна. Энэтхэгийн телевизийн мэдээний сувгуудаар АНУ-ын зуучлалаар гал зогсоох хэлэлцээр хүчин төгөлдөр болсны дараа "Пакистан бууж өглөө" гэсэн гарчиг дэлгэцээр цацагдав.
Энэтхэгийн Батлан хамгаалахын сайд Ражнат Сингх өнгөрсөн сард Энэтхэгийн захиргаанд байдаг Кашмирт жуулчдыг хөнөөсөнтэй холбоотой Пакистаны эсрэг явуулж буй цэргийн ажиллагаа нь террористуудад зоригтой мессеж илгээсэн гэж мэдэгдэв.
Үүний зэрэгцээ Пакистанд олон хүн гудамжинд цугларч, Ерөнхий сайд Шехбаз Шарифын хэлснээр "манай эрэлхэг арми цэргийн түүх бүтээлээ" хэмээн баярлаж буй. "Хэдхэн цагийн дотор манай тийрэлтэт онгоцууд Энэтхэгийн бууны дууг намсгаж, түүхэнд мартагдахааргүй үйл явдал боллоо" гэж Шариф хэлжээ.
Нисгэгчид нь агаарын тулалдаанд Энэтхэгийн таван сөнөөгч онгоцыг, тэр дундаа Францад үйлдвэрлэсэн гурван дэвшилтэт Рафалес онгоцыг буудаж унагасан нь Энэтхэгийн агаарын хүчний хувьд маш их доромжлол болно гэж Пакистан улс үзэж байна. Гэвч Энэтхэгийн албаныхан уг мэдээллийг хүлээн зөвшөөрөхөөс татгалзсаар байна. Үүний зэрэгцээ Энэтхэгийн агаарын довтолгооноос болж Пакистаны олон цэргийн баазууд сүйрсэн гэж Энэтхэгийн батлан хамгаалахын албаныхны үзэж байна.
Тэд дор бүрнээ ялалтаа тэмдэглэж буй энэ цаг мөчид дэлхийн хэвлэлүүд дайнд ялагч байхгүй, тэдний хэн нь ч ялаагүй тухай мэдээлж байна.
Л.Баяр
Сэтгэгдэл (1)