Филиппинд өнгөрөгч амралтын өдөр завсрын сонгууль болж, Гаагийн хорих газарт байгаа тус улсын 16 дахь төрийн тэргүүн асан Родриго Дутерте хотын даргаар сонгогдлоо.
Тэрбээр ерөнхийлөгч байх хугацаандаа хууль бус мансууруулах бодисны бүлэглэлүүдтэй хийсэн тэмцлийнхээ үеэр гэм зэмгүй олон мянган хүний аминд хүрсэн хэргээр Гааг дахь олон улсын эрүүгийн шүүхээс ял сонссон билээ. Улмаар түүнийг 2025 оны гуравдугаар сард хорьсон юм.
Өнгөрсөн амралтын өдөр болсон уг сонгуульд санал өгөх эрхтэй 60 сая гаруй иргэн сенат, парламентын гишүүд болон орон нутгийн эрх барих засаглалын нийт 18 мянган хүнийг сонгожээ. Саналын хуудсыг тоолох ажил дуусаагүй ч урьдчилсан дүн мэдээ гарч эхлэх үед Гаагийн хорих газарт хоригдож байгаа Дутерте хотынхоо даргаар сонгогдсон мэдээ тарав.
Саналын хуудсын 60 хувийг тоолоход тэрбээр 405 мянган санал аваад байгаа бол түүний ард бичигдэж буй нэр дэвшигч 49 мянган санал аваад байгаа ажээ. Энэ нь түүнийг хотын даргаар сонгогдсоныг батлах мэдээ байв. Өдгөө 80 насыг гэтэлсэн тэрбээр Филиппиний Лейте хотын уугуул.
Дутертегийн цахим хуудас түүнд баяр хүргэсэн дэмжигчдийнх нь мэндчилгээгээр дүүрэн байгаа аж.
Л.Баяр
