Өнгөрсөн есдүгээр сард алдарт жүжигчин Адам Шулмантай нууцхан бас тансаг хурим хийж, хэдхэн хоногийн өмнө Оскарын шагналд нэр дэвшээд байгаа үзэсгэлэнт жүжигчин Энн Хадвэйн ярилцлагыг хүргэе.

    Өнгөрсөн есдүгээр сард алдарт жүжигчин Адам Шулмантай нууцхан бас тансаг хурим хийж, хэдхэн хоногийн өмнө Оскарын шагналд нэр дэвшээд байгаа үзэсгэлэнт жүжигчин Энн Хадвэйн ярилцлагыг хүргэе.

-Танд богино үс тань сайхан зохиж байна.

-Баярлалаа. Энэ бол цаг хугацааны илрэл юм даа. Би хоёр л удаа үсээ ийм богинохон тайруулсан. Эхнийх нь маш эвгүй санагдаад хурдан ургаасай гэж хүсч байлаа. Гэтэл одоо ийм богино үсэндээ сэтгэл хангалуун байгаа анхны тохиолдол маань юм. Гэхдээ би үсээ янз бүр болгоё гэж байнга хичээдэггүй л дээ. Энэ зүгээр л цаг хугацааны шийдвэр гэх үү дээ.

-Та өнгөрсөн баасан гарагт жүжигчин Руссель Кровегийн зочид буудалд дуулсан. Хүмүүс таны мэргэжил зөвхөн жүжигчин биш дуучин байж ч болох байж хэмээн ярьж байна лээ?

-Тийм ээ, гэхдээ тэр яг зочид буудал байгаагүй л дээ. Доороо зочид буудалтай, маш тохилог зуслангийн байшин байсан юм. Руссель цугласан хэдэн найзууддаа үхрийн махтай сайхан хоол хийж өгсөн. Хажуугаар нь намайг цагаан хоолтон гэж явуулж байгаад луувангийн салат хийж өгсөн. Их сайхан дайлуулсны дараа найзууд маань төгөлдөр хуур тоглоод, тэгээд л бид Леонард Кохены “Холлелүя” дууг дуулж эхэлсэн. Бүгд дуулаад л үнэхээр сайхан байсан. Ер нь энэ дууг ичимхий нэгнийг нээлттэй болгоход хэрэглэвэл зохимжтой санагдсан шүү.

-Хүмүүс таныг фенүүдээ их хүндэлдэг, ялангуяа эмэгтэйчүүдтэй сайн найзалдаг хэмээн ярьдаг. Энэ үнэн байж чадах уу?

-Чамаас ийм үг сонсч байгаадаа баяртай байна. Би намайг хүндэлдэг шүтэн бишрэгчиддээ маш хайртай. Охиддоо ч бас.

-Алдартай хүн найзуудтайгаа ийм дотно харилцааг үүсгэхэд хэцүү юу?

-Би энэ хорвоод сайхан нөхөрлөл гэж юу юм бэ гэдгийг мэдэрдэг олон найзтай. Бид ахлах сургуулиасаа эхлээд найзалсан ч гэсэн одоо хүртэл урьдын адил байгаа хэдэн дотны эмэгтэй найзтай. Сардаа хэд хэд уулзаж, хамт хоол идэж, хөгжилддөг бас асуудлаа хуваалцдаг. Харин коллежийн найзууд маань эрэгтэй, эмэгтэй хүмүүс. Гэхдээ би коллежийн найзуудаасаа охидтойгоо илүү дотно байдаг. Саяхан би гэрлэсэн. Тэгээд нөхрийнхөө найзуудтай дотносож эхэлж байна. Нөхөрлөлийн хувьд дотно харилцааг үүсгэх амар биш. Гэхдээ үнэнч нөхөрлөл хүнийг хэн байхаас үл хамааран үргэлжилдэг юм.

-Таны дотны найзуудын тоо яг хэд вэ?

-Долоо. Би их олон дотны найзтай. Ихэнх дотны найзуудтайгаа 12 жил нөхөрлөж байна. Бас төрснөөсөө эхлээд хамт байсан ганц хоёр чухал найз маань бий. Тэднээр хүрээлүүлж их хайр, халуун энерги мэдрэх сайхан байдаг. Миний найзууд бол миний амьдралын салшгүй нэг хэсэг гэж боддог.

-Найзууд амьдралын салшгүй нэг хэсэг гэлээ. Гэрлэсний дараа энэ мэдрэмж өөрчлөгдсөн үү?

-Тийм ээ. Бага зэрэг өөрчлөгдсөн. Гэхдээ энэ мэдрэмж намайг бага зэрэг зовоож байгаа. тэдэндээ зарцуулдаг цаг хугацаа хаагуур өнгөрөөд байгаа учрыг олохгүй үе гарч байна.

-Энэ жил таны хувьд маш хариуцлагатай жил болж байна. Оскарын шагналд нэр дэвшсэн шүү дээ.

-Тийм ээ, би үнэхээр Оскарын шагналын эзэн болохыг хүсч байгаа бас энэ итгэл маань биелэнэ хэмээн бодож байна. 2012 он бол миний амьдралын хамгийн сайхан жил гэдгийг би мэдэрч байна.

-Та саяхан гэрлэсэн. Өөрийгөө ямархуу ээж болно гэж төсөөлдөг вэ?

-Ээжийн үүргээ сайн гүйцэтгэдэг бас ганган эмэгтэй байхыг хүснэ. Тэгэхдээ хамгийн том зүйл нь хүүхдүүдийнхээ хайрыг татсан бас тэднийг сайн хүн болох хөтөч нь байхыг хүсдэг. Би 16 настайгаасаа ээж болохыг хүссэн.

-Ээжүүд хүүхдүүддээ үгүй гэж хэлэхээс айдаг шүү дээ. Та үгүй гэдэг үгийг хэлэх болов уу?

-Тийм ээ, хэлэлгүй яахав. Үгүй гэсэн үг бүр муухай үр дүн авчирдаггүй шүү дээ. Би “үгүй” гэдэг үгийг амьдралдаа маш олон удаа хэлж байсан. Энэ харин ч их тустай үг юм шүү.

-Хайртай хүнээ найз залуу биш нөхөр гэж дуудахад ямархуу сэтгэгдэл төрж байна?

-Би энэ өөрчлөлтөд маш дуртай байгаа. Түүнийг хань минь хэмээн дуудахад үнэхээр сайхан байдаг. Гайхамшигтай, заяамал бас амттай.

-Таныг жүжигчин Одри Хепбурнтэй дандаа харьцуулдаг талаар юу гэж боддог вэ?

-Намайг Одри Хепбурнтэй цавуудсан юм шиг санагддаг үе олон. Гэхдээ ямар нэгэн сөрөг сэтгэгдэл төрүүлдэггүй ээ.

-Та 30 насныхаа төрсөн өдрийг хэрхэн тэмдэглэсэн бэ?

-Үдэшлэг зохиосон. Найзуудтайгаа хамт хөгжилдсэн бас уусан. /инээв/

-Шинэ жил хаяанд ирлээ. Та хэрхэн тэмдэглэдэг вэ?

-Жил бүр өөр өөр байдаг. Надад ихэнхдээ шинэ жилээ тэгж тэмдэглэдэг гээд хэлчих зүйл алга. Би хаана байгаагаас шалтгаалаад янз бүрээр тэмдэглэдэг юм. Хэдэн жилийн өмнө би шинэ жилийн өдөр хуримын өргөөнд сууж байлаа. Өнгөрсөн жил найзуудтайгаа тэмдэглэсэн. Энэ жил бас тэдэнтэй хамт байна гэж бодож байгаа.