АНУ-ын Ерөнхийлөгч Доналд Трамп Оросын ерөнхийлөгч Владимир Путинтэй хоёр цагийн турш утсаар ярьсны дараа Орос, Украин хоёр "нэн даруй" гал зогсоож, дайныг зогсоох хэлэлцээрийг эхлүүлнэ гэж мэдэгдлээ.

Яриа "маш сайн болсон" гэж дурдаад, энх тайвны нөхцөлийг хоёр тал зөвшилцөх шаардлагатай гэж мэдэгдэв.

Путин Украинтай "энхийн гэрээ байгуулах санамж бичиг"-ийн талаар хамтран ажиллахад бэлэн гэдгээ илэрхийлсэн бол Зеленский "энэ бол шийдвэрлэх мөч" гэж хэлээд АНУ-ыг яриа хэлэлцээртэй үргэлж ойр байхыг уриалав.

Трамптай ганцаарчилсан яриа хийснийхээ дараа Зеленский Украины тал "бүрэн бөгөөд болзолгүйгээр гал зогсоох" хүсэлтэй байгаагаа дахин нотолж, хэрэв Москва бэлэн биш бол "илүү хүчтэй хориг арга хэмжээ авах ёстой" гэж анхааруулав.

Дуудлагын дараа "Truth Social" хуудсандаа Трамп "Орос, Украин хоёр нэн даруй гал зогсоох, хамгийн чухал нь дайныг бүрэн зогсоох хэлэлцээрийг эхлүүлнэ" гэж бичжээ. Путинтэй ярьж дуусаад тэр даруй Зеленскийд энэ тухай утсаар хэлсэн аж. Харин Зеленский хэлэлцээрийн явцад "америк, Европын төлөөлөгчдийг зохих түвшинд оролцуулах ёстой" гэв.

Л.Баяр