Лхагва гарагт АНУ-ын Холбооны шүүх тус улсын Ерөнхийлөгч Доналд Трампыг бүрэн хэмжээний татвар ногдуулах эрх мэдлээ хэтрүүлэн, дэлхийн томоохон бизнес эрхлэгчдээс эхлээд энгийн америкчууд хүртэл дарамт учруулж импортын үнийг өсгөсөн гэж үзжээ.

Гэвч түүний засаг захиргаа лхагва гаргийн орой уг шийдвэрийг даруй давж заалдсан нь хэрэглэгчид болон компаниудын нөхцөл байдлыг тодорхойгүй болгож, Трампын импортын татвар зогсох эсэх, магадгүй дэлхийн эдийн засгийг өөрчлөх эсэх талаарх ирээдүйг таамаглахад хэцүү болгосоор байна.

Манхэттэн дэх шүүх болох АНУ-ын Олон улсын худалдааны шүүхийн гурван шүүгчийн бүрэлдэхүүн дөрөвдүгээр сарын 02-нд зарласан "Чөлөөлөх өдөр"-ийн тарифыг багтаасан эдийн засгийн онцгой эрх мэдлийн хүрээнд босож ирсэн Трампын ногдуулаад байгаа дэлхийн тарифыг зогсоосон. Энэ нь Трампыг энэ оны эхээр Хятад, Мексик, Канадтай тэмцэх зорилгоор тавьсан татвараа хэрэгжүүлэхэд саад болж байгаа юм.

Шүүх бусад Трампын дэлхийн хэмжээний тарифыг зогсоож болзошгүй байнгын хоригийг дэмжсэн шийдвэр гаргасан. Шүүхээс байнгын хоригийг хэрэгжүүлэх захиргааны захирамжид хуанлийн 10 хоногийн хугацаа өгсөн. Энэ нь шийдвэрийг давж заалдах шатанд, магадгүй Дээд шүүхээр хэлэлцэх юм бол Трампын тарифын ихэнх хэсэг нь зогсонги байдалд орно гэсэн үг юм.

Энэ үйл явдал нь Трамп Хятадад ногдуулдаг 30 хувийн татвар, Мексик, Канадаас импортолдог зарим бараанд 25 хувийн татвар, АНУ-д орж ирж буй ихэнх бараанд 10 хувийн татвар ногдуулах шийдвэрээ эргэн харах, зөөвлтгөх боломж юм.

Л.Баяр