Монгол Улсын гавьяат тамирчин, “Лондон-2012” олимпын хүрэл медальт, ДАШТ-ий хүрэл медальт Уранчимэгийн Мөнх-Эрдэнэтэй ярилцлаа. Тэрбээр бэлтгэл сургуулилтын хажуугаар эрдэм номд шамдан суралцаж байгаа.
-Ярилцлагаа боксын спортыг яагаад орох болсон талаар эхлэх үү?
-Миний хувьд багын спортод дуртай байсан. Тэр дундаа тулааны спортод сонирхолтой бөгөөд энэ чиглэлээр ч хичээллэнэ гэж бодож байсан.  1996 оны намраас эхлэн боксын спортоор хичээллэж эхэлсэн.
-Бага насаа хаана өнгөрөөсөн бэ?
-1982 онд Өвөрхангай аймгийн Арвайхээр хотноо төрсөн. Миний хувьд Нийслэлийн 13 дугаар сургуулийн дүүргэсэн.
-Гурван олимпод оролцсон таныг манай улсын боксын спортын нүүр царай хэмээн тодорхойлдог. Анхны олимп болох 2004 Афины олимпод хэрхэн оролцсон бэ?

Монгол Улсын гавьяат тамирчин, “Лондон-2012” олимпын хүрэл медальт, ДАШТ-ий хүрэл медальт Уранчимэгийн Мөнх-Эрдэнэтэй ярилцлаа. Тэрбээр бэлтгэл сургуулилтын хажуугаар эрдэм номд шамдан суралцаж байгаа.
-Ярилцлагаа боксын спортыг яагаад орох болсон талаар эхлэх үү?
-Миний хувьд багын спортод дуртай байсан. Тэр дундаа тулааны спортод сонирхолтой бөгөөд энэ чиглэлээр ч хичээллэнэ гэж бодож байсан.  1996 оны намраас эхлэн боксын спортоор хичээллэж эхэлсэн.
-Бага насаа хаана өнгөрөөсөн бэ?
-1982 онд Өвөрхангай аймгийн Арвайхээр хотноо төрсөн. Миний хувьд Нийслэлийн 13 дугаар сургуулийн дүүргэсэн.
-Гурван олимпод оролцсон таныг манай улсын боксын спортын нүүр царай хэмээн тодорхойлдог. Анхны олимп болох 2004 Афины олимпод хэрхэн оролцсон бэ?
-Манай улсын боксын спортын тамирчдаас ганцаараа эрх авч орж байсан. Эхний тойрогтоо Африк тивээс оролцож байсан тамирчныг ялаад шөвгийн 16-д үлдсэн. Харин дараагийн тойрогтоо Өмнөд Солонгосын тамирчинтай таарч, оноогоор хожигдсон. Сүүлд Азийн тоглолтод Өмнөд Солонгосын тамирчныг ялсан. Миний хувьд энэ олимпод ороход бэлтгэл сайн байсан. Харин одоотой харьцуулахад техник жаахан муу байсан. Техник бол байнга өөрчлөгдөж байдаг. Буурч байх үе байхад сайжрах тохиолдол ч бий. Миний хувьд 1999, 2000, 2001, 2003 оны хувьд сайн байсан. Харин 2004 онд тоглолтын тактикийн хувьд жаахан алдаатай болчихсон байсан.
-2008 оны Бээжингийн олимпод хүрлийн төлөө тоглоод хожигдсон. Тэр үеэ дурсвал?
-Эхний хоёр тойрогтоо хүчтэй өрсөлдөгчтэй тоглосон. Тэдний хувьд маш сайн тамирчид байсан. Тухайлбал, эхний тойрогтоо Африк тивийн найдвар болсон тус тивийн таван удаагийн аварга тамирчинтай тоглож хожсон. Дараагийн тойрогтоо 2007 оны Европ тивийн аварга, Дэлхийн аваргын мөнгө, Афины олимпын хүрэл медальтай тамирчин байсан ялж чадсан. Харин медалийн төлөө Францын боксчинтой хүч үзсэн ч оноогоор ялагдсан. Олимпын наадмын дараа дөрвөн жилд нэг удаа болдог Дэлхийн цомд ялсан.
-Боксын одоогийн шүүлт таны тоглолтод хэр зохицож байна вэ?
-Боксын шүүлтийн хувьд эрт дээр үеэс л маргааныг дагуулж байсан. Хамгийн гол нь ямар ч шүүлт гарсан түүнд өөрөө зохицох хэрэгтэй. Сайн боксчид шүүлт яаж ч өөрчлөгдсөн амжилт гаргасан хэвээр байдаг.
-Таны хувьд шүүлтийн алдаанаас болоод медалиас атгаад үлдсэн тохиолдол бий юу?
-Энэ талаар ярьвал зөндөө л байгаа. Гэхдээ хүмүүс өөрийгөө өмөөрч байна гэх байх.
-Таны жинд хаанахын тамирчид хамгийн хүчтэй өрсөлдөгч байж чаддаг вэ?
-Ер нь бол хүнд жинд европчууд тэргүүлдэг бол хөнгөн жинд азичууд манлайлдаг. Харин 64, 69, 75-нд аль ч тивээс байдаг. Учир нь энэ жин бол дундаж жин. Тэр ч утгаараа олон тамирчин хүч үздэг.
-Одоогийн байдлаар таны биеийн жин хэд байдаг вэ. Тэмцээнд орохын тулд хэдийг хасч байна вэ?
-Олимпын наадмын өмнө албаар би жингээ 68 кг-д барьж байдаг. Бэлтгэлийн өмнө 68 кг байсан бол дараа нь 67-66 кг болдог. Харин бэлтгэл хийхгүй амралтын хоёр өдөр амарвал биеийн жин маань 72 болчихдог.
-Лондонгийн олимпоос медаль авснаа эргэн дурсвал?
-Олимпын наадмаас медаль авч, төрийнхөө далбаа мандуулсандаа баяртай байдаг. Энэ бол монгол түмнийхээ өмнө хүлээсэн миний үүрэг. Гэхдээ миний хувьд санасан бодсондоо бол хүрч чадаагүй. Үүнээс илүү амжилт үзүүлнэ гэж бодож байсан. Боксын спортод анх орж байсан үеэсээ эхлээд өндөр амжилт үзүүлнэ гэж бодож өглөө болгон босч бэлтгэл хийдэг. Хэдийгээр медаль хүртсэн ч хагас шигшээд оноогоор хожигдсон тэр мөч хэцүү байсан. Хүмүүс хэдийгээр баяртай байгаа ч би биеэ барьж байсан. Хагас шигшээгийн дараа зургаан шөнө тэрхүү тоглолтыг зүүдэлсэн.
-2016 оны олимпод оролцох уу?
-Өөрийнхөө амжилтыг ахиулж дараагийн олимпод оролцоно.
-Одоогоор өдөрт хэчнээн цагийн бэлтгэл хийж байна вэ. Хамгийн ойрын ямар тэмцээн байна вэ?
-Олимпын дараа хэсэг хугацаанд бэлтгэлийн эрчмийг багасгасан. Долоо хоногийн тавд нь өдөрт нэг удаа хийсэн. Одоо бол харин үндсэн бэлтгэлдээ орчихсон байгаа. Өдөрт хоёроос гурван бэлтгэл хийж байна. Олимпын дараа бага зэргийн гэмтэл авсан. Түүнийг Германд улсад үзүүлж онош тогтоолгосон. Эмчлүүлэхэд хугацаа хэрэгтэй. Одоогоор эмчилгээ хийлгээгүй байна. Гэхдээ миний хувьд тэмцээндээ орохыг яаравчилж байна. Он гараад тэмцээндээ орно гэж бодож байгаа.
-Сүүлийн жилүүдэд спортын сэтгэлзүй гэдэг асуудал чухлаар хөндөгдөж байна. Нэг үеэ бодоход манай зарим тамирчид хувийн сэтгэлзүйчтэйгээ хамт тэмцээн уралдаанд явдаг болсон байна. Таны хувьд тамирчин хүнд сэтгэлзүйч байх хэрэгтэй юу гэдгийг юу гэж бодож байна вэ?
-Сэтгэлзүйн бэлтгэл бие бялдарын бэлтгэлтэй давхар хийгдэж байх ёстой. Манай улсад багш нар л багаас нь сэтгэлзүйг бэлтгэдэг. Мөн тамирчдын туршлага гэдэг нь сэтгэлзүйн туршлагатай давхар яваад байдаг. Гэхдээ манайд сэтгэлзүйг бясалгалтай холбож тайлбарлаад байдаг. Энэ бол буруу гэж бодож байна.
-Боксын спорт бол бусад спорттой харьцуулахад тухайн тамирчин бэртэл гэмтэл авах магадлал өндөр байдаг гэж үздэг. Үүнийг та юу гэж боддог вэ?
-Боксын спорт толгойруугаа цохиулдаг гэдэг утгаараа их эрсдэлтэй байдаг. Гэтэл энэхүү спортыг сонирхож, хичээллэх хүмүүс их байдаг. Анхны олимпод л гэхэд энэхүү спортын төрөл багтсан байдаг.
-Манай боксын салбар дэлхийн жишигт хэр нийцэж байна. Тамирчдын хувьд бусад орнуудын тамирчдаас суралцах зүйл байна уу?
-Манай улсын хувьд багаараа дэлхийн цомд оролцохын тулд хүнд жингийн тамирчдаа сайн бэлтгэх хэрэгтэй байна. Хөнгөн, дунд жингийнхэн амжилт үзүүлээд байхад хүнд жингийнхны хувьд тэмцээн уралдаанд оролцох нь бага байдаг. 81, 91 жинд манайд сайн тамирчид байгаа.
-Ингэхэд яагаад сэтгүүлч мэргэжлийг сонгов?
-Би багадаа цэргийн хүн болохыг мөрөөддөг байсан. Мөн сэтгүүлч мэргэжлийг ч гэсэн сонирхдог байсан. Тэр ч утгаараа МУИС-ийн Сэтгүүл зүйн тэнхимд элсэн орсон. Миний хувьд энэхүү мэргэжлийн сонгох болсон өөр нэг шалтгаан бол ард иргэдийн дунд боксын спортын талаар мэдээллийг хүргэх болно.