АНУ-ын Ерөнхийлөгч Д.Трамп өнгөрөгч 11 дүгээр сард сонгогдохдоо АНУ дахь цагаачдын эсрэг бодлого хатуу бодлого хэрэгжүүлнэ гэдгээ олон нийтэд зарласан. Мөрийн хөтөлбөрийн дагуу тус улсад хууль бус цагаачдыг албадан гаргах ажиллагаа эд үедээ өрнөж байгаа билээ.

Гэтэл уг үйл ажиллагааг эсэргүүцсэн олон нийт Лос Анжелес хотын төв гудамжаар дүүрэн жагсаж байна. Трампын ажиллагаа Лос Анжелес хотоос эхэлсэн бөгөөд хууль бусаар амьдарч байсан 40 гаруй хүн саатуулагдаад байна. Жагсагчид зам хааж, цагаачлалын албаны ажилтнууд руу чулуу шидэж, хогийн савыг шатааж, Мексикийн далбааг босгосон байгаа билээ. Тус улсад хамгийн ихээр хууль бус амьдрах хүсдэг хүмүүс бол Мексикчүүд байдаг. Тэд олон жилийн туршад АНУ-ын хилийг хууль бусаар давж, шинэ амьдрах хайсаар байгаа билээ. 

Жагсаалын хариуд Трамп Үндэсний гвардийн 2000 цэргийг тус хот руу илгээхийг тушаажээ. Хэрэв эмх замбараагүй байдал үргэлжилсээр байвал идэвхитэй 500 гаруй тэнгисийн явган цэргийг нэмж оруулах болно гэж анхаарууав. 

Цагаачлалын албаныхан болон жагсагчид Лос-Анжелес хотод гурван өдрийн турш мөргөлдөж, олон арван хүнийг холбооны цагаачлалын албаныхан саатуулсны дараа баасан гаргаас эхлэн эмх замбараагүй байдал үүссэн гэж хэлж болно. 

Калифорни мужийн амбан захирагч Гэвин Ньюом баасан гарагт Трамп руу утасдаж, тэд ойролцоогоор 40 минут ярилцсан гэж мужийн захирагчийн албанаас мэдээллээ. Эх сурвалжийн мэдээлснээр, Д.Трамп уг жагсаал хэм хэмжээгээ алдсанд хотын захирагчийг буруутгаад амжжээ. 

Л.Баяр