Израил, Ираны хоорондох үхлийн аюултай мөргөлдөөн дөрөв дэх өдрөө үргэлжилж байгаа бөгөөд хоёр тал дипломат арга хэмжээ авч, хурцадмал байдлыг намжаахыг олон улс уриалж байна.

Даваа гаргийн өглөө Ираны довтолгоо Израилын газрын тос боловсруулах үйлдвэрт цохилт өгч, цахилгааны сүлжээний зарим хэсгийг гэмтээжээ.

Иран, Израилын хооронд хурцадмал байдал ихсэх тусам хохирогчдын тоо хоёр талаас нэмэгдэж байна. Тегераны оршин суугчид аюулгүй байдлаа хайж нийслэлээс зугтахыг оролдож байгаа бол Израильд шөнөжингөө дэлбэрэлт, гал түймэр гарч, орон сууцны барилгууд сүйдсээр байна.

Ираны пуужингийн цохилтын хамгийн сүүлийн давалгааны дараа даваа гаргийн өглөө Тель-Авивын гудамжинд айдас, эмх замбараагүй байдал, түгшүүрийн дүр зураглалтай байгаа.

Хоёр улс баасан гарагт пуужин харваж эхэлснээс хойш Израилд амиа алдсан хүмүүсийн нийт тоо 17-д хүрчээ. Иранд байлдааны ажиллагаа эхэлснээс хойш 24 хүн амиа алдаж, 1277 хүн эмнэлэгт хүргэгдсэн гэж тус улсын эрүүл мэндийн яам ням гарагт мэдэгдэв.

Л.Баяр