Өнгөрсөн амралтын өдөр АНУ -ын зэвсэгт хүчин Ираны цөмийн гурван байгууламжид цохилт өгсөн нь тус улсын цөмийн хөтөлбөрийн үндсэн бүрэлдэхүүн хэсгүүдийг устгаагүй гэж АНУ-ын тагнуулын албаны эхэн үеийн үнэлгээний дагуу мэдээллээ.
Энэхүү үнэлгээг Пентагоны тагнуулын алба болох АНУ-ын Батлан хамгаалахын тагнуулын агентлаг гаргажээ. Энэ нь АНУ-ын цохилтын дараа АНУ-ын Төв командлалын хийсэн тулалдаанд учирсан хохирлын үнэлгээнд үндэслэсэн гэж эх сурвалжуудын нэг хэлэв.
Эдгээр газруудад учирсан хохирол болон Ираны цөмийн амбицад цохилт өгөх нөлөөллийн дүн шинжилгээ үргэлжилж байгаа бөгөөд тагнуулын мэдээлэл нэмэгдэх тусам өөрчлөгдөж магадгүй ажээ.
Гэвч эхний дүгнэлтүүд нь Доналд Трампын тушаалаар өгсөн цохилт Ираны цөмийн баяжуулах байгууламжуудыг “бүрэн, бүрмөсөн устгасан” гэсэн мэдээлэлтэй зөрчилдөж байна. АНУ-ын Батлан хамгаалахын сайд Пит Хегсет мөн ням гарагт Ираны цөмийн амбицыг "дарсан" гэж мэдэгдэв.
Гэвч эх сурвалжуудын мэдээллээр Ираны баяжуулсан ураны нөөц устгагдаагүй гэж мэдэгджээ. Өөр нэг эх сурвалжийн мэдээлснээр баяжуулсан ураныг үнэлсэн тагнуулынхан "АНУ-ын дайралтаас өмнө уг газруудаас нүүлгэсэн байна" гэжээ. Цагаан ордон үүнтэй санал нийлэхгүй байгаагаа мэдэгдэв.
Л.Баяр
