Газа хотын Аль-Шифа эмнэлгийн ойролцоо Израилчуудын хийсэн цохилтын үеэр "Аль Жазира" телевизийн таван сэтгүүлч амь үрэгдсэн эмгэнэлт явдал болжээ. 

Цохилт болох үеэр Сэтгүүлч Анас аль-Шариф, Мохаммед Крейке, зураглаач Ибрахим Захер, Мохаммед Ноуфал, Моамен Алива нар эмнэлгийн гол хаалганы дэргэд сэтгүүлчдэд зориулсан майханд байсан гэж Аль Жазира мэдээлэв. Тэд мэдэгдэлдээ үүнийг "онилсон аллага" хэмээгээд тэднийг "хэвлэлийн эрх чөлөөнд илэрхий хамлдсан халдлага хийлээ" гэв.

Израилын цэргийнхэн мэдэгдэлдээ, сурвалжлагч Анас Аль-Шарифыг ХАМАС бүлэглэлийг удирдсан хэмээн буруутгаж, түүнийг "онилон хөнөөсөн" гэсэн байна. Газа дахь “Al Jazeera” агентлагийн өөр нэг нэр хүндтэй сэтгүүлч Мохаммед Крейке мөн цохилтын үеэр амь үрэгджээ.

“Газа дахь хамгийн зоригтой сэтгүүлчдийн нэг Анас Аль-Шарифыг хамтран ажиллагсдынх нь хамт хөнөөх тушаал нь Газын бүс нутгийг эзлэн авахын өмнө сэтгүүлчдийн дуу хоолойг хааж боох гэсэн цөхөрсөн оролдлого юм” гэж “Al Jazeera” халдлагын дараа хийсэн мэдэгдэлдээ дурджээ.

А.Аль-Шариф амь үрэгдэхээсээ хэдэн минутын өмнө олон нийтийн сүлжээгээр дамжуулан “Хэрэв энэ галзуурал дуусахгүй бол Газ балгас болж, ард түмнийх нь дуу хоолой сонсогдохоо болж, геноцидын чимээгүй гэрч болон үлдэх болно” гэжээ.

Л.Баяр