Украинчууд 1991 онд ЗХУ-аас салж тусгаар тогтнолоо тунхагласан баярт өдрөө өнгөрсөн ням гарагт тэмдэглэн өнгөрүүлэв. Владимир Зеленский Укрианы тусгаар тогтнолын өдрөөр ард түмэндээ хандаж хэлсэн үгэндээ Украин улс "энх тайвныг тогтоох уриалга сонсогдохгүй байсан ч эрх чөлөөнийхөө төлөө тэмцсээр байх болно. Бидэнд шударга энх тайван, бидний ирээдүйг зөвхөн бид өөрсдөө шийдэх энх тайван хэрэгтэй. Украин бол "хохирогч биш, тэмцэгч. Украин ялаагүй байгаа ч ялагдаагүй нь лавтай" хэмээжээ.
Түүнчлэн Москва бямба гаргийн шөнө Украины баруун Курск муж дахь атомын цахилгаан станцад халдсан гэж Укрианы талыг буруутгаад байна. Украины Засгийн газрын Худал мэдээлэлтэй тэмцэх төвөөс мэдээлснээр нисгэгчгүй онгоцыг буудаж сөнөөсөн нь гал гарсан гэж таамаглаж байна.
Тус төв ОХУ-ыг "хуурамч арга мэдээлэл тараасан" гэж буруутгаж, Украиныг цахилгаан станцад чиглэсэн цохилт өгсөн гэж буруутгаж байгаа нь Оросын суртал ухуулгын "ердийн арга" хэмээн мэдэгдэв. Хүн бэртэж гэмтээгүй бөгөөд галыг хурдан унтраасан гэж тус үйлдвэрийн хэвлэлийн алба Telegram дээр мэдэгджээ. Халдлагын улмаас трансформатор гэмтсэн ч цацрагийн хэмжээ хэвийн хэмжээнд байгаа аж.
ОХУ-ын Батлан хамгаалах яам хэдэн сарын турш Украинд хэсэгчлэн эзлэгдсэн Оросын Курск мужаас найман хүнийг хүлээлгэн өгсөн бөгөөд эх орондоо буцаж ирнэ гэж мэдэгдэв. ОХУ-аас буцаж ирсэн хүмүүсийн дотор цэргүүд, хилчид болон энгийн иргэд багтсан бөгөөд тэдний ихэнх нь 2022 оноос хойш олзонд байжээ. Тэдний дунд мөн дайны эхэн үед Киев мужид хулгайлагдсан Орос сэтгүүлч Дмитрий Хилюк байна.
Л.Баяр
