Есдүгээр сарын 01-ний эл өдөр бол хичээлийн шинэ жилийн өдөр билээ. Жаалууд, оюутан залуус шинэ дүрэмтээ өмсөөд, дэвтэр номоо цүнхлээд хичээлдээ яардаг, догдлол дүүрэн өдөр байдаг.

Гэвч дэлхийн түүхэнд энэ өдөр өөр юу болж байв?

Энэ өдөр бол Григорийн тооллын жилийн 244 дахь (өндөр жил бол 245 дэх) өдөр юм. Мөн он дуустал 121 өдөр үлдэж байгаа гэсэн үг.

Энэ өдөр дэлхий дахинд болсон онцлох үйл явдлууд гэвэл 1923 оны энэ өдөр Японы Токио, Йокохама хотууд газар хөдлөлтөд өртөж, 140 мянга орчим хүн амиа алдсан хар өдөр билээ. Мөн 1939 оны энэ өдөр Адольф Гитлер Дэлхийн II дайныг өдөөж байсан түүхэн сурвалж байна.

1985 оны энэ өдөр АНУ-Францын экспедиц Ньюфаундлендээс 400 милийн зайд Атлантын далайн ёроолоос Титаникийн сүйрсэн хэсгийг олж байжээ. Мөн 1961 оны энэ өдөр ЗХУ Семипалитинскт цөмийн туршилт хийв. Түүнчлэн 1961 оны энэ өдөр Эритрейн тусгаар тогтнолоо зарлажээ. 1962 оны энэ өдөр Ираны баруун хэсэгт болсон газар хөдлөлтийн улмаас 12 мянган хүн нас барсан байдаг.

• 1449 он — Туму цайзын сүйрэл: Монголчууд Хятадын эзэн хааныг олзолсон.
• 1827 он — Оросын хаант улсад дээд болон дунд боловсролын байгууллагад тариачдыг сургахыг хориглосон.
• 1920 он — Бейрут нийслэлтэй Ливан улс байгуулагдсан гэж Франц улс мэдэгдсэн.
• 1928 он — Албани улс хаант улс болсноо тунхаглав.
• 1932 он — Перу-Колумбын дайн эхлэв.
• 1939 он — Вермахтын Польш руу хийсэн халдлагаас Дэлхийн хоёрдугаар дайн эхэлсэн.
• 1969 он — Ливид болсон төрийн эргэлтээр Муаммар Каддафиг Засгийн эрхэнд гарсан.
• 1972 он — Роберт Фишер шатрын дэлхийн аварга болсон.

Сонирхуулахад өнөөдөр бол дэлхийн "Захиа бичих" өдөр. Энэхүү өдрийг Австралийн зохиолч, зураач, гэрэл зурагчин Ричард Симпкин санаачилсан байна. Түүнчлэн өнөөдөр АНУ-ын шатрын өдөр.

Энэ өдөр төрсөн алдартнууд:

1997 - Өмнөд Солонгосын BTS хөвгүүдийн хамтлагийн гишүүн, дуучин, хөгжмийн зохиолч Жон Жонгүг эл өдөр мэндэлжээ. 1996 - АНУ-ын жүжигчин, дуучин, бүжигчин Зэндаяа энэ өдөр төрсөн.

Л.Баяр