Пакистан болон Афганистаны хооронд шөнөжин болсон хилийн мөргөлдөөний улмаас хэдэн арван дайчин амь үрэгдсэн гэж хоёр тал ням гарагт мэдэгдэв. Мөргөлдөөний улмаас 23 цэрэг амиа алдсан гэж Пакистан мэдээлсэн бол Талибууд өөрийн талын есөн хүн алагдсаныг баталжээ.
Исламабад Пакистанд халдлага үйлдэж байгаа зэвсэгт дайчдын эсрэг арга хэмжээ авахыг Талибанчуудаас шаардсаны дараа уг хурцадмал байдал үүссэн. 2021 онд засгийн эрхэнд гарсан Талибууд Пакистаны зэвсэгт дайчид нутаг дэвсгэртээ байгааг үгүйсгэж байна. Пакистан 200 гаруй Афганистаны Талибан болон холбоотны дайчдыг устгасан гэж мэдэгдсэн бол Афганистан Пакистаны 58 цэргийг устгасан гэж мэдэгдсэн нь дээрх тооноос хэт зөрүүтэй байна.
Пүрэв гарагт Пакистан Кабул болон зүүн Афганистанд агаараас цохилт өгсөн гэж Пакистаны аюулгүй байдлын албаныхан мэдээлжээ. Үүний улмаас Талибанчууд хариу цохилтыг эхлүүлсэн байна.
Афганистаны цэргүүд бямба гаргийн орой Пакистаны хилийн пост руу гал нээжээ. Пакистан хариуд нь буу, их буугаар буудсан гэж эх сурвалжуудын мэдээлэлд дурджээ.
Ням гарагт Пакистаны эрх баригчид 1893 онд Британичуудын зурсан "Дурандын шугам" гэгддэг колонийн үеийн маргаантай хил болох Афганистантай хиллэдэг 2600 км хилийн дагуух гарцуудыг хаасан байна.
Л.Баяр
