АНЭУ-ын агаарын тээврийн “Emirates” компанийн "EK9788" дугаар нислэгийн "Boeing 747-481" ачаа тээврийн онгоц Дубай хотоос хөөрч, Хонконгт орон нутгийн цагаар 03:50 цагийн орчимд осолджээ. Уг онгоц газардах явцдаа нисэх буудлын хөөрөх зурвасын ойролцоох усанд унасан байна. 

Далайд газардсан уг ослын улмаас хоёр хүн амь эрсэдсэн харамсалтай мэдээ ирлээ. Амь эрсэдсэн хүмүүс хоёул нисэх буудлын ажилчид байсан бөгөөд усанд живж амиа алдсан байна. Хонконгийн Нисэхийн төю газрын мэдээлснээр, тэднийг аварсан боловч эмнэлэгт очих замдаа өөд болжээ.

Уг онгоц хойд хөөрөх зурвас дээр байсан тээврийн хэрэгслийг мөргөж, далай руу гулсаж орсон гэнэ. Онгоцны багийн дөрвөн гишүүн эсэн мэнд байгаа аж. Амь үрэгдсэн хүмүүс тухайд, нисэх буудлын хамгаалалтын албаны 30, 41 настай хоёр ажилтан байсан. Тэд эргүүлийн машинтайгаа явж байхдаа уг  ачааны онгоцонд мөргүүлсний улмаас далайд живж амь үрэгдсэн байна. 

Л.Баяр