Парисын алдарт Луврын музейгээс үнэт эдлэл хулгайлсан хэргээр хоёр хүнийг баривчилсан тухай Францын хэвлэлүүд мэдээлж байна. Парисын прокурорын газраас тэдний нэгийг "Шарль де Голль" нисэх онгоцны буудлаас оргон зайлах гэж байхад баривчилсан гэж мэдэгдэв.

Өнгөрөгч ням гарагт цахилгаан хэрэгсэл барьсан дөрвөн хулгайч гэгээн цагаан өдрөөр музейн барилга руу нэвтэрч, дэлхийн хамгийн их хүн зочилсон уг музейгээс 88 сая евро буюу 102 сая ам.доллар үнэ бүхий эд зүйлсийг авчээ. 

Парисын прокурорын газрын мэдэгдэлд уг хэрэгтэй холбогдууланг хэчнээн хүнийг баривчилсан талаар тодорхой мэдээлэл өгөөгүй ч, нэг хэрэгтнийг бямба гаргийн орой баривчисан гэдгийг баталжээ. Сэжигтнүүдийн нэг нь Алжир руу явахаар бэлтгэж байсан гэж цагдаагийн эх сурвалж Францын хэвлэлд мэдээлсэн бол нөгөө нь Мали руу явж байсан бололтой.

Ням гарагт ил болсон мэдээлэлд, гэмт хэргийн газраас олдсон ДНК нь сэжигтнүүдийн нэгнийх нь хэн болохыг тогтооход тусаа өгчээ. Гэмт этгээдүүд бээлий, хантааз зэрэг олон эд зүйл сэжүүр үлдээсэн байна. Тэдний хулгайлсан зүйлсийн нэг нь нэгэн цагт III Наполеоны эхнэр Евгений хатан хааных байсан титэм аж. Хулгайчид музей үзэгчдэд нээгдсэний дараахан орон нутгийн цагаас 09:30 цагт барилгад нэвтэрчээ.

Сэжигтнүүд Сена голын ойролцоох тагтаар дамжуулан Галерие д'Аполлон руу нэвтрэхийн тулд машинд суурилуулсан механик өргөгч ашигласан гэнэ. Хэргийн газраас авсан зургуудад шат нь нэгдүгээр давхрын цонх руу гарч байгааг харуулжээ.

Л.Баяр