Мелисса хар салхи нь Карибын тэнгисийн орнуудыг сүйрүүлж, олон хүнийг үхэлд хүргэлээ. Энэ нь Атлантын далайн 150 гаруй жилийн хамгийн хүчтэй шуурганы нэг юм. Хүчтэй шуурга өргөн хэмжээний сүйрлийг дагуулж, дор хаяж 30 хүн амиа алдсан гэх мэдээлэл байгаа боловч үнэн бодит тоо хараахан тодорхой болоогүй байгаа гэнэ.

Энэ шуурга нь Ямайкад тохиолдсон түүхэн дэх хамгийн хүчтэй хар салхи байсан бөгөөд тус улсын ихэнх хэсэгт цахилгаан тасарчээ. Мелисса Бямба гаргийн өглөө 70 миль/цаг хурдтай халуун орны шуурганаас Ням гаргийн өглөө 140 миль/цаг хурдтай 4-р зэрэглэлийн хар салхи руу хувирсан байна.

Мягмар гараг гэхэд уг хар салхи 185 миль/цаг хүртэл эрчийг авсан нь дээд зэрэглэлийн 5-р зэрэглэлийн хар салхи болж, бусад дөрвөн хар салхитай зэрэгцэн Атлантын далайд 1851 онд бүртгэгдсэнээс хойш бүртгэгдсэн хамгийн хүчтэй шуурга болон хувирсан байна.

Мягмар гарагт шуурганы чиглэл Ямайк руу чиглэсан бөгөөд Дэлхийн цаг уурын байгууллага нөхцөл байдал гамшгийн хэмжээнд хүрэхийг анхааруулсан байна. 

Лхагва гарагт Багамын арлууд руу хүрэх үед Мелисса хар салхины зэрэглэл 1-р зэрэглэлд буурсан боловч аадар бороо, эрэг орчмын сүйрэл, аюултай шуурганы давлагаа үргэлжлүүлсээр байна. 

Л.Баяр