БНХАУ-ын удирдагч Ши Жиньпин, АНУ-ын Ерөнхийлөгч Доналд Трамп нар дэлхийн хоёр том эдийн засаг болон өрсөлдөгч их гүрний хоорондын тогтворгүй харилцааг сэргээх зорилготой чухал уулзалтыг Өмнөд Солонгост эхлүүллээ.
Тэд тус улсын Пусан хот сүүлийн зургаан жилийн хугацаанд анх удаа нүүр тулсан яриа хэлэлцээ хийх гэж байна. Трамп Ши Жиньпинийг "Агуу улсын агуу удирдагч" гэж магтаж, хоёр орныг "урт хугацаанд гайхалтай харилцаатай байх болно" гэж бодож байгаагаа хэлжээ. Харин Хятадын удирдагч олон жилийн дараа Трамптай уулзсандаа "маш их баяртай байна" гэжээ.
Ши Жиньпин хэлэхдээ "Бид үргэлж бие биенээ харж чаддаггүй. Дэлхийн тэргүүлэгч эдийн засагтай орнуудын хувьд үе үе зөрчилдөөнтэй байх нь хэвийн үзэгдэл юм. Хятад, Америкийн харилцааны жолоодлого бидний гарт байна" гэжээ.
Гэвч халуун дотноор гар барьж, магтаалын үг хэлж байсан ч Трамп Пусанд газардахын өмнөхөн уулзалтын өгөөжийг өсгөж, АНУ-ын цөмийн туршилтын 30 гаруй жилийн хориг дуусгавар болсныг мэдэгдэв.
Трамп "АНУ бусад улсаас илүү цөмийн зэвсэгтэй" гэж хэлээд Оросыг хоёрдугаарт, Хятадыг ард нь байгааг сануулав. Тэрбээр "Бусад улс орнууд туршилтын хөтөлбөр хэрэгжүүлж байгаа учраас би Дайны яаманд манай цөмийн зэвсгийг ижил тэгш байдлаар туршиж эхлэхийг даалгасан. Энэ үйл явц нэн даруй эхэлнэ" гэж тэр бичжээ.
Л.Баяр
Сэтгэгдэл (1)