Энэ оны гуравдугаар улиралд Tesla нийт 28 тэрбум долларын орлого олж, ойролцоогоор хагас сая цахилгаан автомашин борлуулсан түүхэн дээд амжилт тогтоожээ.

Үүнээс гадна тус компани Cybercab робот такси, цахилгаан ачааны машин, шинэ үеийн батерей үйлдвэрлэл зэрэг төслүүдээ эрчимтэй хөгжүүлж буйгаа мэдэгджээ.

Тэгвэл саяхан Элон Маск нэгэн ярилцлагадаа Tesla-ийн нисдэг машины туршилтын загвар “бараг бэлэн” болсныг онцолж, үүнийг “үнэхээр галзуу технологи” хэмээн тодорхойлсон. Тэрээр бүр уг загварыг ойрын саруудад танилцуулах боломжтой гэж амласан нь хэрэглэгчид болон хөрөнгө оруулагчдын сонирхлыг улам татаад байна.

 Дэвшилтэт нарны эрчим хүчний технологи, дэлхийд тэргүүлэгч цахилгаан автомашин зэрэг ололт амжилтууд нь Tesla-г шинэчлэл, дэвшлийн билэг тэмдэг болгож, технологийн салбарын тэргүүлэгч байр суурийг нь улам бататгаж байна.