"Sony Pictures" болон Хятадын "Pop Mart" хамтран Лабубу хүүхэлдэйн сэдэвтэй бүрэн хэмжээний кино бүтээхээр боллоо. Ийнхүү "Sony Pictures" Лабубуг дэлгэцийн бүтээл болгоод зогсохгүй цахим орчны хэрэглээнд хөгжүүлэхээр төлөвлөж байгаагаа мэдэгджээ.
Харин "Pop Mart"-ын зүгээс энэхүү хамтын ажиллагаа нь Лабубуг зах зээл рүү гаргах стратегийн дараагийн шат гэж тодорхойлсон байна.
Лабубу нь зураач Касин Лунгийн бүтээл бөгөөд анх "How2Work" брэндийн дор Зүүн Өмнөд Азид нийтэд танилцуулж байв. Нордикийн үлгэрээс сэдэвлэн бүтээсэн уг хүүхэлдэй Хятадын зах зээлд гарснаас хойш богино хугацаанд олон улсад эрэлттэй болж чадсан билээ.
