Өнгөрсөн амралтын өдрүүдэд Род-Айленд мужийн Провиденс хотын Браун Их Сургуульд хоёр хүнийг буудаж хөнөөж, есөн хүнийг шархдуулсан хэрэгт буруутай этгээдийг эрх баригчид эрэн сурвалжилж байсан. Тэгвэл уг олныг хамарсан буудлагын сэжигтэн өнөөдөр амиа хорлосон байдалтай олджээ. 

Сэжигтний талаар: 

• Тэр бол Браун Их Сургуулийн 48 настай оюутан, Португалийн иргэн Клаудио Валенте аж. Нью Хэмпшир мужийн Салем хотын агуулахаас цүнх, хоёр галт зэвсэг, хэргийн газрын нотлох баримт олдсон гэж албаныхан мэдэгдэв. Род-Айленд мужийн Ерөнхий прокурор Питер Неронья хэлэхдээ, мөрдөн байцаагчид сэжигтэн яагаад их сургуулийг онилох болсныг тодорхой мэдэхгүй байна гэжээ.

• Хэрэгтэн Валенте мөн энэ долоо хоногт Массачусетс мужийн гэрт нь MIT профессорыг хөнөөсөн хэрэгт буруутай гэж Массачусетс мужийн дүүргийн АНУ-ын прокурор Леа Б. Фоли мэдэгдэв. 

Өнгөрсөн Бямба гарагт Айви Лигийн сургуульд болсон буудлагын улмаас хоёр сурагч нас барж, есөн сурагч шархаджээ. Энэ онд АНУ-д дор хаяж 75 сургууль дээр буудлага гарсан байна.

Л.Баяр