НҮБ-ын Даваа гарагт гаргасан шинэ тайланд дурдсанаар, Орос улс 2022 онд Украинд бүрэн хэмжээний довтолгоо эхлүүлснээс хойш Украины энгийн иргэд хамгийн их хохирол амссан жилийг туулсан байдаг. Тэгвэл өнгөрөгч 2025 онд 2500 гаруй хүн амиа алджээ.

Украин дахь НҮБ-ын Хүний эрхийн хяналтын төлөөлөгчийн газар 2025 онд Украинд мөргөлдөөнтэй холбоотой хүчирхийллийн улмаас 2514 энгийн иргэн амиа алдаж, 12142 хүн шархадсаныг баталжээ. Амиа алдагдсадын дийлэнх нь Оросын Украины мэдэлд байсан бүс нутгуудад амь хохирсон байна. 

НҮБ -ын уг тайланд Украинд аюулгүй газар байхгүй гэдгийг тодорхой харуулж байна. Амиа алдсан эсвэл шархадсан энгийн иргэдийн гуравны нэгээс илүү хувь нь Орос улс довтлох үед фронтын шугамаас хол газар нутагт байрлаж байжээ.

Орос улс 2025 онд Украины хотууд руу агаарын довтолгоо хийх кампанит ажлаа эрчимжүүлж, олон тооны нисгэгчгүй онгоц болон пуужингийн дайралтаар энгийн иргэдийг тогтмол айлган сүрдүүлж байна. Ойрын жишээ гэвэл, Оросын цэргүүд энэ сарын 08-ны Пүрэв гарагийн шөнө Украины төв хэсэгт орших Киев хотод орон сууцны барилгуудыг дэлбэлсэн. Хүйтний улиралд хэдэн арван мянган хүн цахилгаангүй болсон юм. 

Орос улс Украины баруун хэсэгт хамгийн дэвшилтэт зэвсгүүдийнхээ нэг болох Орешник баллистик пуужингаар цохилт өгч байгаа. Өнгөрсөн долоо хоногт Москва нэг шөнийн дотор олон хотод 242 нисгэгчгүй онгоц, 14 баллистик пуужин, 22 далавчит пуужин харван эрчим хүчний дэд бүтцийг онилж, хэдэн зуун мянган украинчуудыг цахилгаан, халаалтгүй болгосон.

Л.Баяр