Нью Мексико мужийн телевизийн нэгэн цувралын зураг авалтын үеэр хоёр хүүд бэлгийн хүчирхийлэл үйлдсэн хэргээр жүжигчин Тимоти Басфилд буруутгагдсан. Тэгвэл уг хэргийн анхны шүүх хуралд оролцлоо.

Эмми шагналт жүжигчин тэрбээр насанд хүрээгүй хүүхэдтэй бэлгийн харьцаанд орсон хоёр хэрэг, хүүхэд хүчирхийлсэн нэг хэрэгт буруутган Альбукерке хотод саатуулагджээ. Цагдаагийнхан эдгээр хэргийг Фокс телевизийн "Цэвэрлэгч хатагтай" гэмт хэргийн драмын зураг авалтын талбай дээр үйлдсэн гэж үзэж байна. Өдгөө 68 настай Басфилд өмгөөлөгчөөрөө дамжуулан уг хэргийг эрс няцаасан.

Пүрэв гарагт болсон хэвлэлийн бага хурлын үеэр Берналилло мужийн дүүргийн прокурор Сэм Брегман хэлэхдээ, Басфилд лхагва гарагт анхан шатны шүүх хуралд оролцсон бөгөөд шүүгч түүнийг цагдан хорих шийдвэр гаргасан гэжээ. Хэргийг одоо дүүргийн шүүхэд шилжүүлж байгаа гэнэ. Басфилдийг шүүх хурал хүртэл батлан ​​даалтад гаргах эсэхийг шийдэх шүүх хурлыг энэ сарын 20-нд товложээ.

Түүний үйлдсэн хэргийг сийрүүлбэл:

Баривчлах тушаалыг нотлох баримтад дурдсанаар хөвгүүд Бусфилдийг "Тим авга ах" хэмээн дууддаг тухайгаа хэлээд, Басфилд "тэдний гэдэс, хөлийг гижигддэг" гэж мэдүүлжээ. Хоёр хүү хоёулаа олон жилийн турш зохисгүй байдлаар хүрч байсан гэж эрх баригчдад хэлсэн гэж баривчлах мэдүүлэгт дурджээ.

Шүүхийн баримт бичгээс харахал хөвгүүдийн нэг нь Басфилдийг өөрийнх нь нууц эрхтэнд хүрснийг ярьжээ. Энэ хэрэг түүнийг 7 настай байхад эхэлсэн бөгөөд Басфилд "түүнд уурлах вий" гэж айж байсан тул эсэргүүцдэггүй байсан хэмээжээ. 

Хүүг уг хэргээс хойш хар дарсан зүүд зүүдлэх болж сэтгэлзүйн хувьд гүн уналтад оржээ. Шүүхийн баримт бичигт дурдсанаар, түүнд  стрессийн эмгэг (PTSD) болон сэтгэл түгшилт гэсэн онош тавьсан байна.

Л.Баяр