Нарнаас ялгарч буй хүчирхэг нарны идэвхжил дэлхий рүү чиглэж байгаа бөгөөд Даваа гаргийн орой болон Мягмар гаргийн өглөөгүүр гэнэтийн газруудад гайхалтай туулийн туяаны үзэгдлүүдийг бий болгох магадлалтай байна. Энэ нь мөн хиймэл дагуулын харилцаа холбоо болон GPS-ийн нарийвчлалыг алдагдуулж болзошгүй юм.

АНУ-ын Үндэсний цаг уурын албаны Сансрын цаг агаарын урьдчилсан мэдээний төв (SWPC) ноцтой байдлын шатлалаар таван онооноос дөрөвдүгээр түвшинд үнэлж уг нарны цацрагийн шуургыг хянаж байна.

“S4 хүчтэй нарны цацрагийн шуурга одоо үргэлжилж байна. Энэ бол сүүлийн 20 гаруй жилийн хугацаанд гарсан хамгийн том нарны цацрагийн шуурга юм. S4-ийн түвшин хамгийн сүүлд 2003 оны 10-р сард ажиглагдсан. Болзошгүй нөлөөлөл нь голчлон сансрын хөөргөлт, нисэх онгоц, хиймэл дагуулын үйл ажиллагаатай хязгаарлагддаг” гэж SWPC X дээр хуваалцжээ.

SWPC-ийн мэдээлснээр, 2003 оны 10-р сард болсон Хэллоуины сансрын шуурга нь Шведэд цахилгаан тасалдуулж, Өмнөд Африкт цахилгаан трансформаторуудад гэмтэл учруулсан.

Нарны цацрагийн шуурга дэлхийд хүрэхэд Олон улсын сансрын станцад байгаа сансрын нисгэгчид болон туйлын замаар аялж буй нислэгийн зорчигчдод цацрагийн өртөлтийн эрсдэлийг нэмэгдүүлдэг ажээ. 

Л.Баяр