Испанийн Ерөнхий сайд Педро Санчез 40 орчим хүний ​​аминд хүрсэн өндөр хурдны галт тэрэгний ослын улмаас хохирогчдод зориулан гурван өдрийн үндэсний гашуудал зарлалаа.

Аврагчид сүйрсэн галт тэргийг цэвэрлэх ажил хийж байгаа энэ үед Санчес Испанийн өмнөд хэсэгт хоёр хурдны галт тэрэг мөргөлдсөн шалтгааныг олж мэдэхээ амлав. Ням гаргийн орой Адамуз хотод Мадрид чиглэлийн галт тэрэгний вагонууд замаасаа гарч, эсрэг талын зам руу орж, эсрэг талын галт тэрэгтэй мөргөлдсөний улмаас 120 гаруй хүн гэмтэж бэртсэн. 

Энэхүү осол нь тус улсад сүүлийн арван гаруй жилийн хугацаанд гарсан хамгийн том осол юм. Төмөр замын сүлжээний оператор Адиф компанийн мэдээлснээр, мөргөлдөөн ням гаргийн орон нутгийн цагаар 19:45 цагт (18:45 GMT) болсон бөгөөд Малагагаас Мадрид руу хойд зүг рүү явж байсан галт тэрэгнүүдийн нэг нь Кордоба хотын ойролцоох шулуун хэсэгт замаасаа гарч осолдсон байна.

Тус улсын Тээврийн сайд Оскар Пуэнтегийн хэлснээр ослын хүч хоёр дахь галт тэрэгний вагонуудыг далан руу түлхсэн байна. Тэрбээр мөн Мадридаас Хуэльва руу өмнө зүг рүү явж байсан хоёр дахь галт тэрэгний урд вагонд амь үрэгдэж, шархадсан хүмүүсийн ихэнх нь байгааг нэмж хэлэв. 

Аврах багийнхан галт тэрэгний мушгирсан хэсгүүд вагон дотор гацсан хүмүүсийг гаргахад хүндрэл учруулж байгааг мэдэгдэв. Санчез даваа гаргийн үдээс хойш өндөр албан тушаалтнуудын хамт ослын газарт очсон. Энэ үеэрээ "Энэ бол бүх Испани улсын хувьд, манай улсын хувьд гашуудлын өдөр" гэж сэтгүүлчдэд хэлэв.

Л.Баяр