Израилд Палестины дүрвэгсдийн асуудал эрхэлсэн НҮБ-ын агентлагийн үйл ажиллагааг хориглосон хууль батлагдсаны дараа тус улс мягмар гарагт Зүүн Иерусалим дахь НҮБ-ын төв байрыг нурааж эхлэв.
Тэнд цагдаагийн хүчин Израилын Газрын захиргааны ажилтнуудтай хамт бульдозер болон инженерийн тоног төхөөрөмжөөр уг газрыг нурааж эхэлсэн байна.
Израилын Газрын захиргаа мэдэгдэлдээ хууль сахиулах байгууллага "үл хөдлөх хөрөнгийг бүрэн эзэмшиж, байрыг цэвэрлэж эхэлсэн" гэж мэдэгджээ.
НҮБ энэ алхамыг "НҮБ-ын агентлаг болон түүний байрны эсрэг урьд өмнө байгаагүй халдлага үйлдлээ" гэж шүүмжилжээ. Тус агентлаг X дээр үүнийг "Израил улсын зүгээс НҮБ-ын эрх ямба, дархан эрх зэрэг олон улсын хууль тогтоомжийг ил тод, санаатайгаар зөрчиж байгаа шинэ түвшин" гэж бичжээ.
1949 онд Израиль улс нэгдсэн НҮБ-ын Эрх чөлөө, Дархан эрхийн тухай конвенцид НҮБ-ын байгууламжууд нь "халдашгүй" бөгөөд "гүйцэтгэх, захиргааны, шүүхийн болон хууль тогтоох байгууллагын үйл ажиллагаанаас үл хамааран нэгжлэг, нэхэмжлэл, хураалт болон бусад аливаа хэлбэрийн хөндлөнгийн оролцооноос ангид байх болно" гэж тодорхой заасан байдаг.
Л.Баяр
