АНУ-ын Цагаачлал, Гаалийн албаны (ICE) ажилтнууд Мягмар гарагт цагаачлалын албаны ажиллагааны үеэр таван настай хүүг саатуулсан гэж Миннесота мужийн сургуулийн албан тушаалтнууд болон гэр бүлийн өмгөөлөгч нь мэдэгдэв.

Сургуулийн өмнөх насны хүүхэд Лиам Рамос тэр үед аавтайгаа хамт байсан. Түүний аавыг Адриан Александр Конехо Ариас гэдэг, цагаач айлын эзэн юм.

X дээр нийтэлсэн мэдэгдэлдээ Дотоод хэргийн яам "ICE хүүхдийг онилоогүй" гэж мэдэгдсэн боловч түүний аавыг АНУ-ын цагаачлалын хуулийг зөрчсөн гэжээ. Хариуд нь Колумбиа Хайтс хотын Улсын Сургуулийн захирал Зена Стенвик “Яагаад таван настай хүүхдийг саатуулж байгаа юм бэ? Энэ хүүхдийг хүчирхийлэгч гэмт хэрэгтэн гэж ангилах гэж байна” гэж асуув. 

Улмаар X дээрх нийтлэлдээ ICE хүүхдийг саатуулсныг үгүйсгэв. Тэд "Хууль бус цагаач гэмт хэрэгтэн ICE-ийн ажилтнуудаас зугтаж байхдаа хүүхдээ орхисон бөгөөд манай ажилтнууд хүүхдийг хүйтэнд АЮУЛГҮЙ байлгахын тулд санаа тавьсан төдий" гэж мэдэгдэв.

Гэр бүлийг төлөөлж буй өмгөөлөгч Марк Прокош пүрэв гарагт болсон хэвлэлийн бага хурал дээр Лиам болон түүний аавыг Техас мужийн Сан Антонио хотын цагдан хорих төвд саатуулж байгаа бөгөөд өмгөөлөгчид тэдэнтэй холбоо барихыг оролдож байгаа гэж мэдэгджээ. Прокош хүү болон түүний аав 2024 онд Эквадороос АНУ-д орогнол хүсэж ирсэн байна. 

Л.Баяр