АНУ-ын цагаачлалын албаны өндөр албан тушаалтан Миннеаполис хотоос гарах төлөвтэй байгаа нь өнгөрсөн амралтын өдрүүдэд холбооны албан хаагчид АНУ-ын хоёр дахь иргэнийг буудан хөнөөсөн хэрэг гарсантай холбоотой гэж ажиглагчид үзэж байна. Түүнчлэн Цагаан ордны өнгө аяс өөрчлөгдсөнийг харуулж байна. Уг өндөр албан тушаалтны оронд Д.Трамп өнөөдөр өглөө "хилийн хаан" гэгддэг Том Хоманыг хэргийн газар руу илгээх шийдвэр гаргажээ.
Томас Дуглас Хоман нь 1961 оны 11 дүгээр сарын 28-нд төрсөн. Америкийн хууль сахиулах ажилтан юм. 2024 оны 11-р сард Дональд Трамп Хоманыг "хилийн хаан" -аар томилсон. Энэ ажлын үүрэг нь Хууль бус цагаачдыг эх орон руу нь буцаах ажил юм. Хоман мөн Обамагийн засаг захиргаа болон анхны Трампын засаг захиргааны үед ажиллаж байсан. Тэрбээр 2017 оны 1-р сараас 2018 оны 6-р сар хүртэл АНУ-ын Цагаачлал, Гаалийн Хэрэг Хяналтын Албаны (ICE) захирлын үүрэг гүйцэтгэгчээр ажиллаж байсан туршлагатай. Ийм учир Трамп түүнийг хурцадмал нөхцөл байдлыг намжаалгахаар илгээж байгаа бололтой.
АНУ-ын Ерөнхийлөгч Доналд Трампын энэхүү шийдвэр нь засаг захиргаа улс орон даяар цагаачлалын эсрэг тэмцэлдээ илүү түрэмгий холбооны арга хэмжээ авч байгаа арга замаа өөрчлөх, зөөлрүүлэх сонирхолтой байгааг илтгэж байна.
Өнгөрсөн ням гарагт тус хотод буудуулж нас барсан хохирогч нь 37 настай Алекс Претти гэх сувилагч эр байв. Тэд мөн энэ сарын эхээр 37 настай Рене Николь Гуд гэх эмэгтэйг буудан хөнөөсөн.
Гэвч уг хохирогчдыг халдахыг завдсан учир албаныхан биеэ хамгаалах үүднээс буудан хөнөөсөн гэж тус улсын Эх орны аюулгүй байдлын яам (DHS) мэдэгдсэн билээ.
Л.Баяр
