Израилын цэргийнхэн даваа гарагт Газын зурваст барьцаалагдсан сүүлчийн хүний цогцсыг олсноо зарласан нь 2014 оноос хойш анх удаа Газын зурваст барьцааны Изриал хүн байхгүй болсон явдал юм.
2023 оны 10 дугаар сарын 7-нд амиа алдсан гэгдэж буй Израилын цагдаагийн офицер Ран Гвилигийн цогцос хоёр жил гаруйн хугацаанд Газад байсаар байв. Израилын засгийн газрын мэдээлснээр, түүнийг нас барсны дараа ахлах түрүүч цолоор нэхэн шагнажээ.
Израилын Ерөнхийлөгч Исаак Херцог “Манай бүхэл бүтэн ард түмэн энэ мөчийг залбирч, хүлээж байлаа. Одоо энэ тойрог хаагдсан” гэж мэдэгдэв. Түүнчлэн "Үндэсний Шүүхийн Анагаах Ухааны Төв Израилийн цагдаа, Цэргийн Раббинтай хамтран хийсэн таних үйл явцын дараа албаныхан түүний цогцсыг таньж, оршуулахаар авчрах тухай гэр бүлд нь мэдэгдсэн" гэж Израилийн Батлан хамгаалах хүчний мэдэгдэлд дурджээ.
Энэ талаар “ГАЗА-д барьцаалагдсан сүүлчийн хүний цогцсыг дөнгөж сая оллоо. Одоо тэнд хэн ч байхгүй. ГАЙХАЛТАЙ АЖИЛ! Ихэнх нь үүнийг боломжгүй зүйл гэж бодсон. Миний гайхалтай Аваргуудын багт баяр хүргээрэй!” гэж Трамп Даваа гарагт "Truth Social" дээр бичжээ.
"Гайхалтай мэдээ. Ерөнхийлөгч Трамп үүнийг боломжтой болгосон" гэж Цагаан ордны хэвлэлийн нарийн бичгийн дарга Каролин Левитт X дээр нийтэлжээ. Гвилигийн цогцсыг олоход Израильчуудад тусалсан Египет, Катар, Туркийн хүчин чармайлтыг АНУ-ын хоёр албан тушаалтан үнэлэв.
Л.Баяр
